FÝTBOLDAN ÁLEM ChEMPIONATY-2022
  Jańalyqtar  >

Qasym-Jomart Toqaev jaqyn arada saılaýaldy tuǵyrnamasyn jarııalaıdy

2022 jylǵy 6 qazan, 17:08
Qasym-Jomart Toqaev jaqyn arada saılaýaldy tuǵyrnamasyn jarııalaıdy

ASTANA. QazAqparat – QR Prezıdenti Qasym-Jomart Toqaev jaqyn arada saılaýaldy tuǵyrnamasyn jarııa etetindigin aıtty, dep habarlaıdy QazAqparat tilshisi.

«Jaqyn arada men saılaýaldy tuǵyrnamany usynamyn, onda eldi jan-jaqty transformatsııalaý, azamattardyń ál-aýqatyn arttyrý jónindegi is-sharalar kórinis tabady. Meniń nyq senimim boıynsha, bizdiń memleket óńirlik jáne jahandyq qaýipsizdikti qamtamasyz etýge baǵyttalǵan teńgerimdi, kóp baǵytty, syndarly syrtqy saıasatty júzege asyrýy tıis», - dedi Memleket basshysy prezıdenttikke Qasym-Jomart Toqaevtyń kandıdatýrasyn qoldaý jónindegi halyqtyq koalıtsııanyń forýmynda.

Prezıdent Qazaqstan halyqaralyq qatynastardaǵy teńdik pen demokratııa qaǵıdattaryn, halyqaralyq quqyq pen BUU Jarǵysyn udaıy saqtaýdy jaqtaıtynyn basa aıtty.

«Qazaqstan BUU-nyń ámbebap jáne balamasyz halyqaralyq uıym retindegi bedelin nyǵaıtý úshin belsendi kúsh-jiger jumsaıtyn bolady. Biz Táýelsiz Memleketter Dostastyǵy, Shanhaı Yntymaqtastyq Uıymy, Eýropadaǵy qaýipsizdik jáne yntymaqtastyq uıymy, túrki memleketteri uıymy jáne basqa da halyqaralyq uıymdarmen yntymaqtasatyn bolamyz, sondaı-aq Azııadaǵy ózara is-qımyl jáne senim sharalary jónindegi keńestiń áleýetin nyǵaıtamyz», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar