FÝTBOLDAN ÁLEM ChEMPIONATY-2022

Qasym-Jomart Toqaev: Ustaz – joǵary deńgeıdegi tulǵa

2022 jylǵy 30 qyrkúıek, 16:38
Qasym-Jomart Toqaev: Ustaz – joǵary deńgeıdegi tulǵa

SEMEI. QazAqparat - Prezıdent Qasym-Jomart Toqaev Semeı qalasynda M.Áýezov atyndaǵy pedagogıkalyq kolledjge bardy, dep habarlaıdy QazAqparat Aqordaǵa silteme jasap.

Q.Toqaev oqý ornynyń tarıhy men jetistikterine, bilim ordasynan bilim alǵan uly tulǵalardyń ómirine arnalǵan kórmeni aralap, oqytýshylar ujymymen jáne stýdenttermen pikirlesti.

Erkin áńgimelesý formatynda ótken kezdesýde Qasym-Jomart Toqaev pedagog mamandarǵa rızashylyǵyn bildirdi.

«Ustaz degen – qasıetti mamandyq. Bárimiz ustazdy syılaımyz. Sebebi ustaz – joǵary deńgeıdegi tulǵa. Balalarǵa laıyqty bilim berip jatyrsyzdar. Bilimsiz adam qaýqarsyz dep aıtýǵa bolady. Qaýqarsyz adam qazirgi básekege toly álemde qalaı ómir súredi? Sondyqtan jas mamandarǵa men rızamyn. Ózderińiz sııaqty jastardy memleket te árqashan qoldaıdy», – dedi Memleket basshysy.

Sondaı-aq Prezıdent elimizde jastarǵa jaǵdaı jasaý úshin biraz reforma júzege asyrylyp jatqanyn aıtty.




Foto: t.me/bort_01





Uqsas jańalyqtar
Seriktester jańalyqtary

Jańalyqtar