Qasym-Jomart Toqaev Túrkııa ınvestorlaryna qoldaý kórsetiletinin aıtty
2022 jylǵy 11 mamyr 13:59

Qasym-Jomart Toqaev Túrkııa ınvestorlaryna qoldaý kórsetiletinin aıtty

ANKARA. QazAqparat – Túrkııada memlekettik saparmen júrgen Qazaqstan Prezıdenti Qasym-Jomart Toqaev atalmysh eldiń birqatar kásipkerimen jeke kezdesý ótkizdi, dep habarlaıdy QazAqparat Aqordaǵa silteme jasap.

Olardyń arasynda «Yildirim Holding» prezıdenti Robert ıÝksel Iyldyrym, «TAV Havalimanları Holding» basqarma múshesi Sanı Shener, «Goknur Gida» basqarma tóraǵasy Osman Aslanalı, «Sembol» kompanııasynyń basqarma múshesi Fettah Tamındje jáne «Koç Holding» kompanııasynyń basqarma múshesi Alı Koch bar.


Kezdesýlerde túrik bıznesmenderiniń Qazaqstandaǵy jobalary men aldaǵy ýaqytta iske asyrylatyn bastamalary týraly sóz boldy. Atalǵan isker toptardyń elimizge salynǵan ınvestıtsııalary hımııa, aýyl sharýashylyǵy, qurylys salalaryn qamtıdy.

Memleket basshysy olardyń elimizge salǵan ınvestıtsııalaryna qoldaý kórsetiletinin aıtty.

Eske sala keteıik, Qasym-Jomart Toqaev memlekettik saparmen Túrkııada júr.

Ankarada Qasym-Jomart Toqaev Ankaraǵa memlekettik sapary barysynda Túrkııa Prezıdenti Rejep Taııp Erdoǵanmen kelissóz júrgizdi.

Onyń nátıjesi boıynsha ekijaqty yntymaqtastyqty damytý maqsatynda 14 mańyzdy qujatqa qol qoıyldy.

Qasym-Jomart Toqaev pen Rejep Taııp Erdoǵan eki el arasyndaǵy qarym-qatynasty «keńeıtilgen strategııalyq seriktestik» deńgeıine kóterý týraly sheshim qabyldady.

Qazaqstan men Túrkııa Prezıdentteri keńeıtilgen strategııalyq seriktestik jóninde birlesken málimdeme jasady.

Kúnniń sońynda Qasym-Jomart Toqaev pen Rejep Taııp Erdoǵan BAQ ókilderine brıfıng ótkizdi.

Búgin Prezıdenttiń Túrkııaǵa sapary jalǵasty.



Uqsas jańalyqtar

Jańalyqtar

Úrdis

MURAǴAT