+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Qasym-Jomart Toqaev týrızm salasyn damytý úshin qandaı mindetter qoıdy

2019 jylǵy 24 tamyz 19:05
Bólisińiz:
Qasym-Jomart Toqaev týrızm salasyn damytý úshin qandaı mindetter qoıdy

NUR-SULTAN. QazAqparat – Qazaqstan Prezıdenti Qasym-Jomart Toqaev búgin «Ulytaý 2019» halyqaralyq týrıstik forýmynyń jumysyna qatysty.

Uqsas jańalyqtar
Qasym-Jomart Toqaev almatylyqtardy Qala kúnimen quttyqtady Qazaqstan Prezıdentiniń aptalyq jumysyna vıdeosholý QR Prezıdenti: Mashına jasaý – Qazaqstannyń óndiristik damýynyń jarqyn mysaly

Jıyn barysynda elimizdiń týrızm salasynyń damý barysyn baıandaǵan Memleket basshysy memlekettiń shuǵyl túrde qolǵa alýy tıis birneshe máseleni atap ótti.

Prezıdent elimizdiń týrızm salasyn ilgeriletýde osyǵan deıin de az is atqarylmaǵandyǵyn, endi elimizdiń osyndaı baǵa jetpes baı murasyn ózge jurtqa tanytýdyń jańasha joldaryn oılastyrýymyz qajettigin aıtty.

«Mysaly, Mońǵolııa Shyńǵys han tulǵasyn halyqaralyq týrızmdi damytý úshin óte tıimdi paıdalanyp otyr. Al, uly hannyń úlken uly – Joshynyń mazary qazaq jerinde turǵanyn búginde elimizdegi jáne sheteldegi jurtshylyqtyń kóbi bile bermeıdi. Ata-babalardyń amanatyna adal bolý – bizge syn. Sondyqtan biz Altyn ordanyń negizin qalaǵan Joshy hannyń esimin ulyqtaýdy mindetti túrde qolǵa alýymyz qajet»,-dedi Memleket basshysy.

Sondaı-aq Prezıdent Ulytaýdyń halyqaralyq deńgeıdegi etnografııalyq týrızmniń ortalyǵyna aınalýy qajettigin jetkizdi. Bul jumystar Altyn ordanyń 750 jyldyǵyn merekeleý aıasynda bastalýy qajet.

Túrkistan men Otyrar, Saýran men Syǵanaq, Sherqala men Oǵylandy, Berel men Marqakól, Baıanaýyl men Qarqaraly, Sharyn men Kólsaı barsha jurttyń qundylyǵyna aınalýy tıis. Qorqyt ata, Arystan bab, Qoja Ahmet ıAssaýı, Beket ata, Báıdibek bı, Begim ana, Qabanbaı batyr, Raıymbek batyr, Máshhúr Júsip, hakim Abaı, taǵy basqa kóptegen dara tulǵalarymyzdyń esimderin týrızm arqyly keńinen nasıhattaý – búgingi zaman talaby.

«Biz, qazaq halqy, uly tarıhı tulǵalardyń izbasar urpaǵy ekenimizdi eshqashan umytpaýymyz qajet. Ata-babalarymyzdyń rýhyn týrızmniń ozyq úlgileri arqyly dáripteýimiz kerek. Biz salalyq memlekettik baǵdarlama qabyldadyq. Ol tolyqqandy júzege asatyn bolsa, týrızmniń Іshki jalpy ónimdegi úlesi 8% jetedi. Syrttan keletin týrıster sany 9 mln al, ishki týrıster sany 8 mln adam bolady. Al týrızm salasynda jumyspen qamtylǵandar sanyn 650 myń adamǵa jetkizý kerek . Týrızm óte kúrdeli sala. Oǵan tıisti mamandar kerek. Sol sebepti biz týrızm mamandaryn daıyndaıtyn ýnıversıtet ashý qajet degen sheshim qabyldadyq» , dedi Qasym-Jomart Toqaev.

Sondaı-aq Memleket basshysy Qazaqstanda týrızmdi damytýdyń júıeli ári naqty sharlaryn qabyldaý qajettigin eskertti.

Ol úshin Ulytaý aımaǵy mindetti túrde Qazaqstannyń týrıster tartý kartasynyń aldyńǵy qatarynda bolýy tıis. Buryn jobalanǵan «Ulytaý» ulttyq tabıǵı parkin qurý máselesin júzege asyrý kerek. Bıyl munda týrıster úshin arnaıy ortalyq ashylýy tıis. Bul úshin oblys ákimdigi Úkimetpen birlesip, qazirgi kólik-logıstıkalyq ınfraqurylymdy qajetti tártipke keltirýi kerek. Óńir týrızm ári demalys aımaǵyna aınalýy úshin joldardyń sapasyn jaqsartý qajet.

Jezqazǵan – Beıneý, Arqalyq – Shubarkól temirjoldarynyń iske qosylýy – Ulytaý úshin óte mańyzdy. Temirjolmen qatar avtojoldardyń jaǵdaıyna kóńil bólingeni óte qajet. Qyzylorda – Jezqazǵan – Qaraǵandy – Nur-Sultan qalalary arasyndaǵy joldardy jedel retke keltirý kerek. Sonymen birge Arqalyq – Ulytaý avtojolynyń ahýaly da kún tártibinen túspeýi tıis.

Memleket basshysy sózinde kreatıvti jáne ınnovatsııalyq sheshimderdiń kómegimen Qazaqstannyń týrıstik áleýetiniń aqparattyq qoljetimdiligin tıisti deńgeıde qamtamasyz etý kerektigin jetkizdi.

Týrısterdi Qazaqstan týraly ásirese Ulytaý men ózge de tarıhı oryndar týraly tolyqqandy aqparatpen qamtamasyz ete alatyn qosymsha nemese basqa bir kiriktirilgen platforma jasaý kerek. Týrızm ındýstrııasynan keletin salmaqty mýltıplıkatıvti serpindi eskere kele bizge Qazaqstannyń barlyq rekreatsııalyq aýmaqtarynda qonaqúıler men tamaqtaný oryndaryn salý isine barynsha kásipkerlerdi tartý kerek.

Ulytaý týrıstik mekenge, demalys aımaǵyna ári uly babalarǵa taǵzym etý ortalyǵyna aınalýy tıis. Bul óńirge qazaq tarıhynyń sımvoly bolatyn eskertkish-ansambl ornatý qajet.

Ulytaýdyń tarıhy men taǵylymyn jastar tárbıesi men otanshyldyqty, ishki týrızmdi damytýǵa paıdalaný kerek.

«Zańǵar jazýshy Ábish Kekilbaev bul kıeli meken «Taýynyń bıiktiginen nemese sýynyń moldyǵynan emes, uly qaýymnyń bas qosqan jeri bolǵan soń Ulytaý dep atalǵan» deıdi. Sondyqtan, ulttyń uıasy, birliktiń besigi – Ulytaýdy ulyqtaý – bárimizdiń ortaq mindetimiz»,-dedi QR Prezıdenti.

Bizdiń kanalymyzǵa jazylyńyz:

Basty sózder: Qazaqstan Prezıdenti,
Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059

MURAǴAT