+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qasym-Jomart Toqaev Saýd Arabııasynyń ınvestıtsııa mınıstrin qabyldady

2021 jylǵy 27 qyrkúıek 15:08
Bólisińiz:
Qasym-Jomart Toqaev Saýd Arabııasynyń ınvestıtsııa mınıstrin qabyldady

NUR-SULTAN. QazAqparat – QR Prezıdenti Qasym-Jomart Toqaev Halıd Ál-Falıhtiń sapary Saýd Arabııasy Koroldiginiń taq murageri Muhammed ben Salman Ál Saýdımen telefon arqyly bolǵan mazmundy áńgimelesýdiń jalǵasy ekenin atap ótti. Bul týraly QazAqparat Aqordaǵa silteme jasap habarlaıdy.

Memleket basshysy Qazaqstanǵa 30 jyldan beri kórsetip kele jatqan qoldaýy úshin Saýd Arabııasyna rızashylyǵyn bildirdi.

– Elderimiz arasyndaǵy yntymaqtastyqty ilgeriletý jáne onyń mánin tereńdete túsý úshin kóptegen múmkindik bar ekenine senimdimiz. Osy oraıda, Taq muragerimen telefon arqyly áńgimelesý kezinde bolashaqta qolǵa alynatyn birqatar jobany talqyladyq. Ózara is-qımyldarymyz tereńdeı túsedi. Elimizge jasaǵan saparyńyzǵa rızashylyǵymyzdy bildiremiz. Sizdiń qoldaýyńyzben jáne meniń Ákimshiligimniń jumys júrgizýimen ekijaqty baılanystarymyzdy shynaıy ilgeriletemiz dep oılaımyn, – dedi Qazaqstan Prezıdenti.

Óz kezeginde Halıd Ál-Falıh Qasym-Jomart Toqaevqa qabyldaǵany úshin alǵys bildirip, Saýd Arabııasynyń Koroli Salman ben Ábdel Ázız Ál Saýdtyń jáne Koroldiktiń Taq murageriniń sálemderin jetkizdi.

– Olar Qazaqstanǵa odan ári órkendeý men ıgilik jolynda qoldaý kórsetýdi jalǵastyra beretinderin naqtylady. Qazaqstannyń júrgizip otyrǵan reformalary men Ortalyq Azııadaǵy kóshbasshylyǵyn, sonymen qatar 30 jyl buryn tańdaǵan biregeı jolyn joǵary baǵalaıdy. Osy ýaqyt aralyǵynda Qazaqstannyń Tuńǵysh Prezıdenti negizin qalaǵan syndarly saıasat ózińizdiń parasatty basshylyǵyńyzben jalǵasyp keledi, – dep atap ótti Saýd Arabııasynyń mınıstri.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT