+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qasym-Jomart Toqaev «Saryarqa» ekonomıkalyq aımaǵyna bardy

2020 jylǵy 23 qarasha 17:14
Bólisińiz:
Qasym-Jomart Toqaev «Saryarqa» ekonomıkalyq aımaǵyna bardy

QARǴANDY. QazAqparat – Memleket basshysy Qasym-Jomart Toqaev «Saryarqa» arnaıy ekonomıkalyq aımaǵyna bardy, dep habarlaıdy Aqorda.

Memleket basshysy Qaraǵandy oblysyna jasaǵan jumys sapary aıasynda «Saryarqa» arnaıy ekonomıkalyq aımaǵynyń damý perspektıvasymen tanysty.

Oblys ákimi Jeńis Qasymbek Prezıdentke arnaıy ekonomıkalyq aımaqtaǵy ınvestıtsııalyq jobalardyń júzege asyrylý barysy, turaqty jumys oryndaryn ashý, jeke jáne sheteldik ınvestıtsııalardy tartý, sondaı-aq, Qazaqstan men Germanııanyń birlesken kásipornynyń jumysy týraly baıandady.

Tehnıkalyq gaz óndirýmen aınalysatyn «LındeGaz Qazaqstan» JShS-niń, kún elektrostantsııasy baǵytynda qyzmet etetin «QazSolar-50» JShS-niń, jylý ótkizbeıtin qubyrlar óndiretin «Izoplıýs» JShS-niń jáne sharly krandar shyǵaratyn «Bemer Armatýra» JShS-niń jetekshileri Memleket basshysyna óz zaýyttarynyń jumysy jáne ónim óndirý kólemin ulǵaıtý jónindegi josparlary jaıynda aqparat berdi. Sonymen qatar búkil álemde qalyptasqan ekonomıkalyq ahýaldy eskere otyryp, pandemııa kezindegi jumys jaǵdaıy, bıznestiń áleýmettik jaýapkershiligi men qaıyrymdylyq isteri týraly egjeı-tegjeıli baıandady.


Qasym-Jomart Toqaev «Qazsolar-50» kompanııasynyń ókilimen áńgime barysynda jańartylatyn energııa kózderine qatysty jobalardy júzege asyrýdyń mańyzdylyǵyna nazar aýdardy.

«Balama elektr energııasy baǵytyn qoldaımyn. Joldaýda birtindep kómirtek paıdalanýdy azaıtý saıasatyn júrgizý kerek ekenin aıttym. Bul baǵyttyń bolashaǵy zor. Búkil álem atalǵan baǵytta damyp jatyr. Men Germanııaǵa barǵanymda osy taqyrypta nemis kompanııalarynyń jetekshilerimen sóılestim. Jalpy olarmen yntymaqtastyqqa nazar aýdarý kerek dep sanaımyn. Kún elektr energııasy bolashaqta birqatar problemany sheshe alatyn qýatty kózge aınalady. Ol sonysymen tartymdy», – dedi Prezıdent.


Sodan keıin Prezıdent kanadalyq zamanaýı tehnologııa boıynsha ónim shyǵaratyn «Steel Manufacturing» JShS-niń óndiris aýmaǵyn aralap kórdi. Zaýyt jylyna latýnnan jasalǵan 30 mıllıon buıym shyǵarady.



Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT