FÝTBOLDAN ÁLEM ChEMPIONATY-2022

Qasym-Jomart Toqaev Reseı Prezıdentine kóńil aıtý jedelhatyn joldady

2022 jylǵy 26 qyrkúıek, 22:14
Qasym-Jomart Toqaev Reseı Prezıdentine kóńil aıtý jedelhatyn joldady

ASTANA. QazAqparat – QR Prezıdenti Qasym-Jomart Toqaev Ijevsk qalasyndaǵy mektepke jasalǵan shabýyl saldarynan adamdardyń qaza tabýyna baılanysty Vladımır Pýtınge kóńil aıtty. QazAqparat bul týraly Aqordaǵa silteme jasap habarlaıdy.

«Reseı Federatsııasynyń Ijevsk qalasyndaǵy №88 mektepke jasalǵan qarýly shabýyl saldarynan azamattardyń, sonyń ishinde balalardyń qaza tabýy týraly qaıǵyly habardy aýyr kúızelispen qabyldadym. Orny tolmas qaıǵyǵa ortaqtasa otyryp, Sizge jáne qaıtys bolǵandardyń týǵan-týystary men jaqyndaryna kóńil aıtamyn. Sondaı-aq barlyq zardap shekkenderdiń tezirek saýyǵyp ketýine tilektestik bildiremin», – dep jazylǵan jedelhatta.

Eske salaıyq, búgin Reseıdiń Ijevsk qalasyndaǵy mektepte er adam qarýdan oq jaýdyrdy. Keıin qaskóı óz-ózine qol salǵan.

Sońǵy málimetke sáıkes, oqıǵa saldarynan qaza tapqandar sany 13 adamǵa jetti. Olardyń arasynda 7 bala bar. 21 adam jaraqat aldy, onyń 14-i – balalar.

Mektep Ijevsk qalasynyń ortalyǵynda qala ákimshiligi ǵımaratynyń janynda ornalasqan. Onda 982 oqýshy oqıdy, 80 muǵalim jumys isteıdi.


Tegı:
Uqsas jańalyqtar
Seriktester jańalyqtary

Jańalyqtar