+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qasym-Jomart Toqaev: Reseı — Qazaqstannyń negizgi saýda-ekonomıkalyq seriktesi

2020 jylǵy 3 maýsym 11:19
Bólisińiz:
Qasym-Jomart Toqaev: Reseı — Qazaqstannyń negizgi saýda-ekonomıkalyq seriktesi

NUR-SULTAN. QazAqparat – Reseı – Qazaqstannyń negizgi saýda-ekonomıkalyq seriktesi. Bul pikirdi Memleket basshysy Qasym-Jomart Toqaev Reseıdiń «Komsomolskaıa pravda» gazetine bergen suhbatynda aıtty, dep habarlaıdy QazAqparat.

Uqsas jańalyqtar
Qaraǵandy oblysy áleýmettik-ekonomıkalyq damýdyń oń serpinin saqtap qaldy Memlekettik organdar men kvazımemlekettik sektordyń shyǵystary ońtaılandyrylatyn boldy Turǵyn úı qurylysy salasyndaǵy materıaldardyń úlesi 90%-ǵa jetkiziledi - mınıstrlik

«Reseı – Qazaqstannyń negizgi saýda-ekonomıkalyq seriktesi. Reseıden Qazaqstanǵa tartylǵan tikeleı ınvestıtsııa kólemi 15,7 mıllıard dollardy qurady. 2019 jyly ekijaqty taýar aınalymy 2018 jylmen salystyrǵanda 6,2% artyp, 20 mıllıard dollarǵa jýyqtady. Qazaqstanda 7 myńnan astam reseılik kompanııa men eki eldiń 3,5 myńǵa jýyq birlesken kásiporyndary tabysty jumys istep jatyr. Ekonomıkanyń basym salalarynda birlesken jobalar belsendi iske asyrylýda. Máselen, 2018 jyly Reseıdiń iri «Polımetall» kompanııasy ınvestıtsııa kólemi 418 mıllıon dollar bolatyn «Baqyrshyq» taý-ken óndirý kásipornyn iske qosty. Jalpy quny 6,6 mıllıard dollardy quraıtyn 53 ınvestıtsııalyq jobany birlesip júzege asyrý josparlanyp otyr», - dedi Qazaqstan Prezıdenti.

Q. Toqaev 2019 jyldyń sáýirinde óndiristik kooperatsııa salasyndaǵy birlesken is-qımyl baǵdarlamasy qabyldanǵanyn eske saldy. Sol jyly qazan aıynda baǵdarlamanyń alǵashqy jobasy – Qostanaıda «Kırovets» traktorlaryn shyǵarý bastaldy. Onyń qýattylyǵy jylyna 500 traktorǵa deıin jetedi.

«Biz Reseımen munaı-gaz, munaı-hımııa jáne basqa da qaıta óńdeý úlesi joǵary ónim shyǵaratyn salalarda yntymaqtastyqty damytýǵa nıettimiz. Kaspıı qaırańynda teńizdegi munaı-gaz jobalary boıynsha yntymaqtastyǵymyz nyǵaıdy. Qazaqstan Reseıge strategııalyq seriktes retinde senim artady. «Lýkoıl» kompanııasy da bizdiń elde tabysty jumys isteýde. Budan bólek, Qazaqstanda ınvestıtsııalyq jobalardy júzege asyryp jatqan reseılik bızneske qoldaý kórsetemiz. Osyndaı ózara yntymaqtastyqtyń nátıjesinde óndiristi Qytaı men Ortalyq Azııa naryqtaryna shyǵaramyz dep úmittenemiz», - dedi Memleket basshysy.

Prezıdenttiń sózine qaraǵanda, bıylǵy kúzde Qazaqstan-Reseı forýmyn ótkizý josparlanǵan, onda aımaqtyq ekonomıkalyq yntymaqtastyq boıynsha sheshimder qabyldanady.

«Bıylǵy kúzde Qazaqstan-Reseı forýmyn ótkizý josparlanǵan. Onda aımaqtyq ekonomıkalyq yntymaqtastyq jóninde birqatar sheshim qabyldanady. Osy máselege jáne ekijaqty yntymaqtastyqtyń tutas keshenine udaıy nazar aýdaryp otyrǵany úshin Prezıdent Vladımır Pýtınge rızashylyq bildiremin», - dedi Qasym-Jomart Toqaev suhbat barysynda.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT