+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qasym-Jomart Toqaev Ózbekstan Prezıdentin týǵan kúnimen quttyqtady

2021 jylǵy 24 shilde 13:44
Bólisińiz:
Qasym-Jomart Toqaev Ózbekstan Prezıdentin týǵan kúnimen quttyqtady

NUR-SULTAN. QazAqparat – Memleket basshysy Qasym-Jomart Toqaev Ózbekstan Prezıdenti Shavkat Mırzıeevpen telefon arqyly sóılesti, dep habarlaıdy QazAqparat Aqordaǵa silteme jasap.

Memleket basshylary eki el arasyndaǵy saýda-ekonomıkalyq yntymaqtastyqtyń qarqyndy damyp kele jatqanyn atap ótti. Bıylǵy bes aıdyń ishinde ekijaqty saýda kólemi 46 paıyzǵa artqan. Investıtsııalyq, kólik-logıstıkalyq jobalar júzege asyrylýda, jańa avıatsııalyq baǵyttar ashylýda. Qazaqstan men Ózbekstan halyqaralyq, óńirlik alańdarda bir-birimen tyǵyz baılanys jasaıdy.

Qasym-Jomart Toqaev jýyrda Tashkentte ótken Ortalyq Azııa jáne Ońtústik Azııa elderi arasyndaǵy yntymaqtastyq máseleleri jónindegi halyqaralyq konferentsııanyń qorytyndylaryna joǵary baǵa berdi.

Eki el basshylary Aýǵanstandaǵy jaǵdaıdy jáne onyń óńirlik qaýipsizdik úshin yqtımal saldaryn jan-jaqty talqylady. Qasym-Jomart Toqaev pen Shavkat Mırzıeev atalǵan problema boıynsha ortaq túsinik bar ekenin atap ótti.

Memleket basshysy Ózbekstan Prezıdentiniń Qazaqstanǵa jasaıtyn aldaǵy resmı sapary eki el arasyndaǵy yntymaqtastyqty odan ári damytýda mańyzdy oqıǵa sanalatynyn aıtty.

Sonymen qatar Qasym-Jomart Toqaev Shavkat Mırzıeevti týǵan kúnimen quttyqtap, ózbek halqynyń moıyndalǵan kóshbasshysyna zor densaýlyq, qut-bereke jáne baýyrlas Ózbekstan halqynyń ıgiligi jolyndaǵy qyzmetine tabys tiledi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT