Qasym-Jomart Toqaev Nur Otan-dy qandaı ózgerister kútip turǵanyn aıtty
2022 jylǵy 28 qańtar 16:12

Qasym-Jomart Toqaev Nur Otan-dy qandaı ózgerister kútip turǵanyn aıtty

NUR-SULTAN. QazAqparat – Memleket basshysy Qasym-Jomart Toqaev Nur Otan partııasyn qandaı ózgerister kútip turǵanyn aıtty, dep habarlaıdy QazAqparat tilshisi.

«Men eldi jan-jaqty jańǵyrtý boıynsha aýqymdy kún tártibin usyndym. «Nur Otan» ony iske asyrýǵa belsene aralasyp, Qazaqstannyń progressıvti ózgeristeri men jańarýynyń naǵyz qozǵaýshy kúshi bolýǵa tıis», -dedi Memleket basshysy.

Onyń aıtýynsha, «Jańa Qazaqstan» jaǵdaıynda Nur Otan da jańarýy kerek.

«Biraq bul úshin «Nur Otan» ózi jańarýy tıis. Bul kosmetıkalyq ózgeristerdi emes, partııanyń búkil jumysyn túbegeıli qaıta qurýdy qajet etedi», - dedi Qasym-Jomart Toqaev.

Aıta keteıik, Qasym-Jomart Toqaev «Nur Otan» partııasynyń Tóraǵasy bolyp saılandy.


Jańalyqtar

MURAǴAT