+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Qasym-Jomart Toqaev nemis kompanııalary basshylarynyń aldynda sóz sóıledi

2019 jylǵy 6 jeltoqsan 13:08
Bólisińiz:
Qasym-Jomart Toqaev nemis kompanııalary basshylarynyń aldynda sóz sóıledi

BERLIN. QazAqparat - Qazaqstan Prezıdenti nemis kompanııalary basshylarynyń aldynda sóz sóıledi, dep habarlaıdy Aqorda.

Uqsas jańalyqtar
Búgin Prezıdenttiń tóraǵalyǵymen Úkimettiń keńeıtilgen otyrysy ótedi QR Prezıdenti Tımýr Qulybaevty qabyldady Memleket basshysy Úkimettiń keńeıtilgen otyrysyn ótkizedi

Qasym-Jomart Toqaev jetekshi nemis kompanııalary ókilderine arnalǵan iskerlik dastarhan basynda Qazaqstannyń ekonomıkalyq jáne ınvestıtsııalyq áleýeti týraly áńgimeledi.

Qazaqstan Prezıdenti Eýropa odaǵyna múshe memleketterdiń ishinde Germanııanyń Qazaqstan úshin negizgi saýda-ekonomıkalyq seriktes ekenin atap ótip, elimizdiń yntymaqtastyqty damytýǵa nıetti ekenin jetkizdi.

– Qazaqstan Prezıdenti retinde Germanııadan elimizge ınvestıtsııa men kásipkerlerdi tartý jáne bıznes ókilderiniń ózderin qaýipsiz sezinip, tabysty damýy úshin bar kúsh-jigerimdi jumsaımyn. Biz nemis kásipkerleri úshin erekshe jaǵdaı jasaýǵa daıynbyz, – dedi Memleket basshysy.

Prezıdent Qazaqstannyń óz standarttaryn jaqsartýǵa, bolashaqta Ekonomıkalyq yntymaqtastyq jáne damý uıymynyń tolyqqandy múshesi bolý úshin zańnamalardy osy uıym deńgeıine deıin kóterýge umtylatynyn málimdedi. Sonymen qatar Qasym-Jomart Toqaev Qazaqstannyń qolaıly geografııalyq jaǵdaıy men ornyqty syrtqy ekonomıkalyq saıasaty sheteldik ınvestorlar úshin zor múmkindikterge jol ashatynyn aıtty.

– Qytaımen, Reseımen jáne Ortalyq Azııa elderimen qarym-qatynasymyz óte jaqsy. Biz Shyǵys pen Batys arasyndaǵy mańyzdy kólik haby bolyp tabylamyz. Barlyq transqurlyqtyq baǵyttaǵy joldardyń 70 paıyzy Qazaqstan arqyly ótedi. Halyqaralyq «Batys Eýropa – Batys Qytaı» dálizi júk tasymalyna ketetin ýaqytty qysqartýǵa múmkindik beredi. Bıyl Qytaıdyń Sıan qalasynan Germanııaǵa tasymaldanatyn júk nebári on kúnde jetkizilip, rektordtyq kórsetkishke jetti, – dedi Prezıdent.

Onyń aıtýynsha, «Volkswagen», «Mann», «Siemens», «Knauf», «Bayer», «METRO» sekildi jetekshi nemis kontsernderi Qazaqstanda belsendi jumys istep jatyr. «Heidelberg Cement» jáne «Linde Group» korporatsııalary el ekonomıkasyna iri kólemde qarjy quıyp, tabysty ekonomıkalyq yntymaqtastyqtyń jarqyn mysaly bolyp otyr.

Qasym-Jomart Toqaev nemis kásipkerlerin agroónerkásip kesheni, joǵary tehnologııalar men tsıfrlandyrý salalaryndaǵy jobalardy júzege asyrýǵa, sondaı-aq, «Astana» halyqaralyq qarjy ortalyǵynyń jumysyna atsalysýǵa shaqyrdy.

Іs-sharaǵa 20-dan astam nemis kompanııasynyń jetekshileri qatysty. Atap aıtqanda, «WILO», «CLAAS Group», «SMS Holding GmbH», «Schaeffler AG», «Airbus Defence and Space», «Linde AG», «Mangold Consulting GmbH», «Herrenknecht AG», «Knorr-Bremse AG», «Euler Hermes», «Siemens Healthineers», «John Deere», «Deutsche Bank AG», «Tönnies Holding», «BAUER COMP Holding» jáne t.b.

Nemis isker toptarynyń ókilderi Qazaqstan naryǵynda jumys isteý tájirıbelerimen bólisip, aldaǵy josparlary men usynys-tilekterin aıtty.

– Biz úshin sizben áńgimelesý zor ǵanıbet. Sizdiń búgingi saparyńyz saıası qatynastarymyzǵa ǵana emes, ekonomıkalyq baılanystarymyzǵa da oń yqpal etetinine senimdimiz. Qazaqstan úshin Germanııa bıznesi senimdi seriktes ekenine sendiremin. Bolashaq yntymaqtastyǵymyz ben Qazaqstan ekonomıkasyndaǵy nemis ınvestıtsııasyn arttyrý úshin bizge zor múmkindikter ashylady dep esepteımin, – dedi «WILO» kompanııasynyń basshysy Olıver Germes.

Kezdesý sońynda Qasym-Jomart Toqaev ınvestıtsııalyq jobalardy nemis bıznesiniń qatysýymen júzege asyrýda yntymaqtastyq ornatýǵa Qazaqstannyń daıyn ekenin málimdedi.

– Biz barlyq máseleniń oń sheshilýine kómektesýge múddelimiz. Búgingi sizderdiń baıandamalaryńyzda aıtylǵan jobalar Úkimetimizdiń erekshe nazarynda bolady. Qazaqstanda sizderdiń bıznesterińiz júzege asyryp jatqan birlesken jobalarǵa qoldaý kórsetýge basa mán beremiz, – dedi Memleket basshysy.

Foto: www.akorda.kz

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT