+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qasym-Jomart Toqaev nemis bıznesmenderine eksklıýzıvti sharttar jarııalady

2019 jylǵy 6 jeltoqsan 18:06
Bólisińiz:
Qasym-Jomart Toqaev nemis bıznesmenderine eksklıýzıvti sharttar jarııalady

BERLIN. QazAqparat - Qazaqstan Prezıdenti Qasym-Jomart Toqaev Germanııaǵa resmı sapary aıasynda Berlın Eýrazııalyq klýbynyń 28-otyrysyna qatysyp, onyń barysynda nemis bıznesmenderi úshin eksklıýzıvti sharttardy jarııa etti, dep habarlaıdy QazAqparat tilshisi.

AXICA Berlın kongress-ortalyǵynda ótken sharaǵa GFR Úkimetiniń joǵary laýazymdy qyzmetkerleri, sarapshylar, jýrnalıster men german bıznesiniń 250-den astam ókili qatysty.

«Sońǵy 3 jylda álemdegi geosaıası, geoekonomıkalyq saıasat aıtarlyqtaı ózgeriske ushyrady. Sanktsııalar men saýdadaǵy shekteýler dıplomatııanyń dástúrli quraldaryn jıi almastyra bastady. Saýda kedergileri kún saıyn paıda bolýda», - dedi Memleket basshysy.

sy oraıda Qazaqstan Prezıdenti jetkizilimderdiń dástúrli tizbesinde aıtarlyqtaı ózgeristerdiń oryn alyp, protektsıonıstik saıasattyń kúsheıe túskendigin atap ótti.

«Osynaý kúrdeli jaǵdaıda bizdiń elimizdiń syrtqyekonomıkalyq jáne saýda saıasaty ashyq, syndarly ári qarapaıym. Qazaqstan áli de bolsa kásipodaqtarmen, eldermen jáne kompanııalarmen ózara tıimdi yntymaqtastyq úshin ashyq», - dep atap ótti Qasym-Jomart Toqaev.

Memleket basshysynyń atap ótýinshe, Qazaqstan eýropalyq elordalarmen turaqty konstrýktıvti dıalogty qoldap, Eýropalyq qaıta qurý jáne damý banki, Dúnıejúzilik bank, Halyqaralyq valıýta qory, Azııa damý banki syndy halyqaralyq uıymdarmen tyǵyz yntymaqtastyqty jolǵa qoıyp otyr.

Qazaqstan Prezıdenti elimizde 24 mln gektar egistik, 200 mln gektarǵa jýyq shabyndyq alqabynyń bar ekendigin, Reseı men Qytaı naryǵynyń jaqyndyǵyn aıta kele, nemis ınvestorlaryn aýyl sharýashylyǵyna ınvestıtsııa salýǵa shaqyrdy. El Úkimeti nemis bıznesmenderine barlyq qajetti qoldaýdy kórsetýge daıyn ekendigin atap ótti.

«Kazakh Invest pen Qazaqstannyń tikeleı shetel ınvestıtsııalary qoryna arnaıy nemis bólimin ashýdy tapsyramyn. Olar tikeleı nemis ınvestorlarymen jumys isteıtin bolady», - degen Memleket basshysy «Báıterek» ulttyq basqarýshy holdıngi men Qazaqstannyń damý bankine nemis bıznesine járdem kórsetýge keńes berdi.

«Bul sharalar bizdiń júıe úshin jańa bolyp sanalady. Biz olardy basqa birde-bir elge usynǵan emespiz. Úkimet pen ınvestorlardyń durys ádisi men qarym-qatynasy bolǵan kezde olardy shynymen de tıimdi jumys isteýge bolatyn sharalarǵa aınaldyratyndyǵyna shynaıy úmit artamyn», - dedi Memleket basshysy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT