Qasym-Jomart Toqaev Qorǵanys mınıstrine birqatar tapsyrma berdi
2022 jylǵy 5 shilde 12:53

Qasym-Jomart Toqaev Qorǵanys mınıstrine birqatar tapsyrma berdi

NUR-SULTAN. QazAqparat - Prezıdent Qasym-Jomart Toqaev Qorǵanys mınıstri Rýslan Jaqsylyqovty qabyldady, dep habarlaıdy Aqorda.

Memleket basshysy – Qazaqstan Qarýly Kúshteriniń Joǵarǵy Bas qolbasshysyna Qorǵanys mınıstrliginiń bıylǵy birinshi jartyjyldyqta atqarǵan jumystarynyń qorytyndysy jóninde esep berildi.

Rýslan Jaqsylyqov Qasym-Jomart Toqaevqa armııa bólimsheleriniń jaýyngerlik ázirligi jóninde baıandady. Qazirgi ýaqytta negizgi kúsh-jiger basqarý organdary men jeke quramdy daǵdarys jaǵdaıy kezinde tıimdi áreket etýge, ortalyq jáne jergilikti bılik organdarymen aradaǵy is-qımyldardy úılestirýge oqytý máselesine baǵyttalǵan.

Prezıdentke jaýyngerlik daıyndyqty qamtamasyz etý jónindegi, sonyń ishinde birqatar aýqymdy oqý-jattyǵý jıynyna qatysty ekinshi jartyjyldyqqa josparlanǵan sharalar týraly málimet berildi. Sonymen qatar elimizdiń sarbazdary halyqaralyq áskerı oıyndarǵa qatysady.

Qorǵanys mınıstri Arnaýly operatsııalarǵa qatysatyn kúshterdi damytý, oq-dárilerdiń qaýipsiz saqtalýyn qamtamasyz etý, otandyq qorǵanys-ónerkásip kesheniniń áleýetin paıdalana otyryp, armııany zamanaýı qarý-jaraqpen jáne áskerı tehnıka túrlerimen jabdyqtaý, áskerı ınfraqurylymdy jetildirý jónindegi Prezıdent tapsyrmalarynyń oryndalý barysy týraly esep berdi. Sondaı-aq kezdesýde sarbazdardyń qaýipsizdigin qamtamasyz etýge jáne áskerı qyzmetshiler arasynda álimjettik áreketterdi boldyrmaý máselesine erekshe nazar aýdaryldy.

Kezdesý sońynda Prezıdent Qarýly Kúshterdi keshendi ári júıeli túrde jetildirýdi qamtamasyz etý jáne olardyń jaýyngerlik daıyndyǵyn joǵary deńgeıde ustap turý qajettigin atap ótti. Memleket basshysy elimizdiń qorǵanys qabiletin odan ary arttyrýǵa baǵyttalǵan birqatar tapsyrma berdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT