+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Qasym-Jomart Toqaev QHR Tóraǵasy Sı Tszınpınmen telefon arqyly sóılesti

2020 jylǵy 24 naýryz 21:51
Bólisińiz:
Qasym-Jomart Toqaev QHR Tóraǵasy Sı Tszınpınmen telefon arqyly sóılesti

NUR-SULTAN. QazAqparat - Búgin QR Prezıdenti Qasym-Jomart Toqaev QHR Tóraǵasy Sı Tszınpınmen telefon arqyly sóılesti, dep habarlaıdy QazAqparat Aqordaǵa silteme jasap.

Qazaqstan Prezıdenti koronavırýs pandemııasynyń taralýyn aýyzdyqtaý jónindegi Qytaı basshylyǵynyń batyl ári júıeli is-qımyldaryn joǵary baǵalady.

- Búkil álem Qytaı medıtsınasynyń zor áleýeti men dárigerleriniń joǵary kásibıligine tánti boldy. Jalpy, Qytaı Sizdiń basshylyǵyńyzben ortalyqtandyrylǵan basqarýshylyq júıeniń zor áleýetin jáne daǵdarys jaǵdaıyn tıimdi sheshýge qabiletti ekenin kórsetti, - dedi Prezıdent.

Qasym-Jomart Toqaev Qazaqstannyń strategııalyq seriktestik baǵytyn odan ári nyǵaıta berýge nıetti ekenin jetkizdi. Onyń pikirinshe, osy oraıda byltyr qyrkúıekte Beıjińde qol qoıylǵan Qazaqstan men Qytaı arasyndaǵy uzaq merzimdi jáne jan-jaqty strategııalyq seriktestik týraly deklaratsııanyń máni zor.

- Kórshiles elderimizben aradaǵy osyndaı yntymaqtastyq Qazaqstan men Qytaı halyqtarynyń ejelgi múddelerine sáıkes keledi dep senemin. Biz ekonomıkalyq jáne gýmanıtarlyq salalarda ózara tıimdi ári paıdaly jobalar jasaýǵa kúsh salýymyz qajet, - dep sanaıdy Qasym-Jomart Toqaev.

Prezıdent eki eldiń BUU-daǵy, Shanhaı yntymaqtastyq uıymyndaǵy, Azııadaǵy Ózara Yqpaldastyq jáne Senim sharalary jónindegi Keńestegi tabysty yntymaqtastyǵyn oń baǵalap, sondaı-aq, «Bir beldeý - bir jol» mega jobasynyń aıasynda Uly Jibek joly tujyrymdamasyn odan ári iske asyrý barysyndaǵy is-qımyldardyń mańyzy zor ekenin atap ótti.

Sı Tszınpın koronavırýstyń taralýy barlyq el úshin kútpegen synaq bolǵanyn aıtty. Qytaı pandemııaǵa qarsy álemdik kúreske úlken úles qosty. Qytaı basshysy bul iste áli tolyq jeńiske jettik dep sanamaıdy. Іndettiń ekinshi márte qaıtalanbaýy úshin qosymsha sheshimder qabyldaý qajet. QHR Tóraǵasy Sı Tszınpın Qazaqstan men onyń basshylyǵyna Qytaıǵa koronavırýske qarsy kúreste kórsetken naqty qoldaýy úshin rızashylyq bildirip: «Sizder «dos qıyn sátte synalady» degen maqaldyń durys ekenin anyq kórsettińizder. Qytaı óz tarapynan Qazaqstandy medıtsınalyq jabdyqtarmen qamtamasyz etip, gýmanıtarlyq kómek kórsetýge daıyn», - dedi.

Qytaı memleketiniń basshysy Qazaqstan Prezıdentiniń tótenshe jaǵdaı kezindegi kóshbasshylyq qasıetin joǵary baǵalap, onyń batyl ári der kezinde qabyldanǵan sharalaryna toqtaldy. Sı Tszınpınniń aıtýynsha, pandemııada memlekettik shekara degen bolmaıdy, búkil álemge óte jyldam qarqynmen taralýda. Sondyqtan «Adamzattyń tarıhı taǵdyry bir» tujyrymynyń ózektiligi artyp keledi. Atalǵan tujyrymǵa sáıkes barlyq memleket kúlli halyqaralyq qoǵamdastyqty órkendetý jolynda kúsh-jigerin biriktirýi tıis.

- Іndet keledi, ketedi. Al dostyq pen yntymaqtastyq - máńgilik qundylyqtar, - dedi QHR Tóraǵasy.

Onyń pikirinshe, Qytaı men Qazaqstan barlyq saladardaǵy, ásirese qarjy, ındýstrııalyq jáne tsıfrlyq tehnologııalar sııaqty mańyzdy baǵyttardaǵy yntymaqtastyqty arttyra alady.

Áńgime sońynda Sı Tszınpın Elbasy Nursultan Nazarbaevqa júrek jardy sálemin joldady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT