+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Qasym-Jomart Toqaev Kanada Premer-Mınıstrimen kezdesti

2020 jylǵy 14 aqpan 20:46
Bólisińiz:
Qasym-Jomart Toqaev Kanada Premer-Mınıstrimen kezdesti

NUR-SULTAN. QazAqparat – Qasym-Jomart Toqaev 56-shy qaýipsizdik jónindegi Mıýnhen konferentsııasy aıasynda ótkizgen ekijaqty kezdesýlerin Kanadanyń Premer-Mınıstri Djastın Trıýdomen kelissóz júrgizýden bastady, dep habarlaıdy Aqordanyń baspasóz qyzmeti.

Uqsas jańalyqtar
QR Prezıdenti Dúnıejúzilik poshta odaǵynyń Jarǵysyna qatysty zańǵa qol qoıdy Qasym-Jomart Toqaev: Epıdemııany bárimiz birge jeńemiz QR Prezıdenti «Baıqońyr» keshenin gazben jabdyqtaýǵa qatysty zańǵa qol qoıdy

Taraptar Qazaqstan men Kanada arasyndaǵy saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyqtyń qazirgi ahýaly men perspektıvalaryn talqylap, halyqaralyq uıymdar aıasyndaǵy yqpaldastyqty qarastyrdy, sondaı-aq, halyqaralyq kún tártibindegi ózekti máseleler boıynsha pikir almasty.

Qasym-Jomart Toqaev Djastın Trıýdoǵa iltıpat bildirip, ekonomıka, ınvestıtsııa tartý, aýyl sharýashylyǵy jáne tehnologııa salalaryndaǵy ekijaqty qatynastardy odan ári damytýdyń mańyzdylyǵyn atap ótti.

– Biz Kanadamen tyǵyz qarym-qatynas ornattyq. Yntymaqtastyǵymyzdyń qazirgi deńgeıin joǵary baǵalaımyz. Elderimiz arasyndaǵy ózara yqpaldastyqtyń aıasyn odan ári keńeıte túsemiz dep úmittenemiz, – dedi Qazaqstan Prezıdenti.

Memleket basshysy ýran salasyndaǵy kanadalyq «Cameco» kompanııasynyń jumysyna oń baǵa berip, Kanada bıznesine qajetti barlyq jaǵdaıdy jasaýdy jalǵastyra berýge daıyn ekenin rastady.

Djastın Trıýdo kezdesýge múmkindik týǵyzǵany úshin Qazaqstan Prezıdentine alǵys bildirip, eki memleket arasyndaǵy kópjyldyq dostyq pen seriktestikke toqtaldy.

– Eki el arasyndaǵy ekonomıkalyq yntymaqtastyqta kóptegen ortaqtyq bar. Biz energetıka salasyndaǵy birqatar joba boıynsha yqpaldastyq ornattyq. Kooperatsııalarymyzdy odan ári nyǵaıtýǵa nıettimiz, – dedi Kanadanyń Premer-Mınıstri.

Kanada úkimetiniń basshysy saıası jáne ekonomıkalyq reformalardy júzege asyrý jónindegi Qazaqstan Prezıdentiniń kúsh-jigerin joǵary baǵalap, azamattyq qoǵam men demokratııany damytý salasyna qoldaý kórsetýge daıyn ekenin jetkizdi.

Kezdesý sońynda Qasym-Jomart Toqaev pen Djastın Trıýdo bir-birin ózara sapar almasýǵa shaqyrdy.

QazAqparat búgin Memleket basshysy Qasym-Jomart Toqaevtyń Germanııanyń Mıýnhen qalasyna jumys saparymen barǵandyǵyn jazdy.

Sondaı-aq Prezıdenttiń Mıýnhen konferentsııasyna qatysyp jatqandyǵyn habarlady.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT