Qasym-Jomart Toqaev Gýrbangýly Berdimuhamedovti «Altyn Qyran» ordenimen marapattady
2022 jylǵy 29 maýsym 15:05

Qasym-Jomart Toqaev Gýrbangýly Berdimuhamedovti «Altyn Qyran» ordenimen marapattady

AShHABAD. QazAqparat - Memleket basshysy Ashhabadqa jumys sapary barysynda Túrikmenstan Ulttyq keńesi Halyq máslıhatynyń tóraǵasy Gýrbangýly Berdimuhamedovpen kezdesý ótkizdi, dep habarlaıdy QazAqparat Aqordaǵa silteme jasap.

Qazaqstan Prezıdenti, eń aldymen, Gýrbangýly Berdimuhamedovti týǵan kúnimen quttyqtap, onyń basshylyǵymen Túrikmenstannyń qol jetkizgen áleýmettik-ekonomıkalyq jetistikterin atap ótti.

Kezdesý barysynda dıplomatııalyq qarym-qatynastar ornaǵan 30 jyldyń ishinde Qazaqstan men Túrikmenstannyń baılanysy baýyrlastyq ári strategııalyq seriktestik deńgeıine jetkeni aıtyldy.

Taraptar eki el arasyndaǵy saýda-ekonomıkalyq, mádenı-gýmanıtarlyq qatynastardyń qarqyndy damyp kele jatqanyna toqtaldy.

Qasym-Jomart Toqaev qazaq-túrikmen qarym-qatynastaryna qosqan ólsheýsiz úlesi úshin Gýrbangýly Berdimuhamedovti Qazaqstan Respýblıkasynyń joǵary memlekettik nagradasy «Altyn Qyran» ordenimen marapattady.

Sonymen qatar Halyq máslıhaty tóraǵasy retinde eliniń damýyna, aımaqtyń turaqtylyǵy men qaýipsizdigi jolynda eńbek ete beretinine senim bildirdi.


Seriktester jańalyqtary

Jańalyqtar

Úrdis

MURAǴAT