+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qasym-Jomart Toqaev Germanııanyń bıznes ókilderimen kezdesti

2019 jylǵy 6 jeltoqsan 01:00
Bólisińiz:
Qasym-Jomart Toqaev Germanııanyń bıznes ókilderimen kezdesti

BERLIN. QazAqparat - Memleket basshysy Berlınge sapary barysynda nemis bıznesiniń birqatar ókilderimen kezdesti, dep habarlaıdy QazAqparat Aqordaǵa silteme jasap.

Uqsas jańalyqtar
Memleket basshysynyń aptalyq jumysyna vıdeosholý Prezıdenttiń quttyqtaý sózinde qandaı mańyzdy sharalar aıtyldy Zatobol kentiniń ataýy Tobyl dep ózgertilip, qala mártebesi berildi

«CLAAS Group» kompanııasy Baqylaý keńesiniń tóraǵasy Katrına Klaas-Mıýlhoızermen kezdesý barysynda birlesken ınvestıtsııalyq jobalardy júzege asyrý máseleleri talqylandy. «CLAAS Group» kompanııasy bizdiń elimizge «CT Agro» dıstrıbıýtorlyq jelisi arqyly aýyl sharýashylyǵy tehnıkalaryn ákelip, servıstik qyzmet kórsetýmen aınalysady.

– Bizdiń negizgi strategııamyz – elimizge tartylatyn ınvestıtsııalardy ártaraptandyrý. Investıtsııa turǵysynan Germanııanyń negizgi strategııalyq seriktesi bolǵymyz keledi, – dedi Qasym-Jomart Toqaev.

Katrına Klaas-Mıýlhoızer Qazaqstannyń iri kompanııalarmen ǵana emes, sondaı-aq, orta deńgeıdegi kompanııalarmen de yntymaqtastyq ornatýǵa nıetti ekenine rızashylyq bildirdi.

«Linde AG» kompanııasynyń atqarýshy vıtse-prezıdenti Krıstıan Brýhpen kezdesý barysynda kásiporynnyń Qazaqstanda júzege asyryp jatqan ınvestıtsııalyq jobalary men aldaǵy josparlary týraly sóz boldy.

– Kantsler Angela Merkelmen jáne Prezıdent Frank-Valter Shtaınmaıermen júrgizilgen búgingi kelissózder joǵary deńgeıde ótti. Osy kelissózder ekijaqty yntymaqtastyqty damytýǵa tyń serpin beretinine senimdimin, – dedi Memleket basshysy.

Krıstıan Brýh óz kompanııasynyń 2013 jyly «Arselor Mıttal Temirtaý» AQ bazasynda tehnıkalyq gaz óndirý jobasyn iske asyrǵanyn atap ótip, oǵan 95 mıllıon eýro kóleminde ınvestıtsııa salǵanyna toqtaldy.

«Germanııanyń iri kompanııalarynyń basshylarymen kezdestim. Olardy Qazaqstandaǵy jobalarǵa belsene qatysýǵa shaqyrdym. Bul el ekonomıkasyn ártaraptandyryp, óndiris oryndaryn ashýǵa jáne ozyq nemis tehnologııasyn engizýge zor múmkindik bermek», - dep jazdy QR Prezıdenti Qasym-Jomart Toqaev Twitter-degi paraqshasynda.




– Búginde «Linde AG» kompanııasy jobanyń ekinshi kezeńin qolǵa aldy. Jańa jobaǵa shamamen 80 mıllıon eýro ınvestıtsııa salýǵa nıettimiz, – dedi Krıstıan Brýh.

Sonymen qatar germanııalyq kompanııa «QazMunaıGaz» UK» AQ Mańǵystaý oblysynyń Jańaózen qalasynda gaz óńdeý zaýytyn salý jóninde kelissózder júrgizip jatqanyn aıtty.

Qazaqstan Prezıdenti «Schaeffler Group» kompanııasynyń Bas dırektory Klaýs Rozenfeldpen kezdesý kezinde ózara yntymaqtastyqtyń perspektıvalaryn talqylady. Avtomobıl jasaý, ónerkásip jáne ǵarysh salalary boıynsha qosalqy bólshekter shyǵaratyn kásiporyn basshysy Klaýs Rozenfeld Qasym-Jomart Toqaevqa óndiristik jáne ınvestıtsııalyq múmkindikteri týraly málimet berdi.

«Siemens Healthineers» kompanııasynyń Bas dırektory Bernd Montag Memleket basshysyna memlekettik-jekemenshik áriptestik negizinde salynatyn onkologııalyq ortalyqtyń jobasyn usyndy. Kásiporyn basshysy elimizdiń óndiristik áleýetin arttyrýǵa septigin tıgizetin uzaq merzimdi yntymaqtastyq ornatýǵa nıetti ekenin aıtty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT