+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Qasym-Jomart Toqaev Fınlıandııa Prezıdentin elimizge saparmen kelýge shaqyrdy

2019 jylǵy 25 tamyz 15:35
Bólisińiz:
Qasym-Jomart Toqaev Fınlıandııa Prezıdentin elimizge saparmen kelýge shaqyrdy

NUR-SULTAN. QazAqparat - Qazaqstannyń Elshisi Janna Sartbaeva Fınlıandııa Respýblıkasynyń Prezıdenti Saýlı Nıınıstege senim gramotalaryn tapsyrdy, dep habarlaıdy QR syrtqy ister mınıstrliginiń baspasóz qyzmeti.

Uqsas jańalyqtar
Kell Bondevık: Men úshin  Qasym-Jomart Toqaevtyń reformalary asa perspektıvti Janar Aıtjanova Halyqaralyq elektrbaılanys odaǵynyń Bas hatshysymen kezdesti Qazaqstan men Reseı Syrtqy ister mınıstrleri ne jaıynda sóılesti

Prezıdent saraıyndaǵy saltanatty rásimnen keıin qazaqstandyq dıplomatty Memleket basshysy qabyldady.

Suhbat barysynda Qazaqstannyń Prezıdenti Qasym-Jomart Toqaevtyń Fınlıandııa Prezıdentine joldaǵan sálem men jyly nıet lebizderi jetkizilip, Qazaqstanǵa saparmen kelip-ketý týraly shaqyrýy tabys etildi.

Fınlıandııanyń Memleket basshysy Qazaqstannyń saıası damýy, ekonomıkasyn ártaraptandyrý jáne tranzıttik-kóliktik áleýetin damytý jolynda qolǵa alynǵan sharalar boıynsha habardar etildi.

Qazaqstan-Fınlıandııa qatynasynyń qazirgi jaǵdaıy men keleshegin talqylaý barysynda Elshi ekijaqty yntymaqtastyqtyń barlyq spektri boıynsha, ásirese tsıfrlyq tehnologııalar salasyndaǵy ózara árekettestikti tereńdetýge el basshylyǵynyń múddeligin tanytty.

Prezıdent Q.Toqaev ulyqtaý rásiminde sóılegen sózinde aıqyndaǵan negizgi baǵyttar týraly egjeı-tegjeıli aıtyldy. Qazaqstannyń Tuńǵysh Prezıdenti - Elbasy Nursultan Nazarbaev álemdik qaýymdastyqqa úsh dıalog negizinde jańa geosaıası ahýal qalyptastyrý týraly usynǵan bastamasy málimdendi.

Sonymen qatar Tuńǵysh Prezıdent - Elbasy N.Nazarbaevpen Prezıdent Q.Toqaevtyń Prezıdent S.Nıınısteniń týǵan kúnine oraı quttyqtaýlary tabystaldy.

Fınlıandııa Prezıdenti eki el arasyndaǵy qatynastardyń dostyq sıpatyna erekshe kóńil aýdaryp, Qazaqstannyń halyqaralyq arenadaǵy mańyzdylyǵyn atap ótti. Ol ekijaqty saýdanyń ósip kele jatqan betalysyna qanaǵattanýshylyq bildirdi.

S.Nıınıste Tuńǵysh Prezıdent - Elbasy N.Nazarbaevtyń qazirgi qazaq memlekettiliginiń negizin qalaýshy retindegi rólin aıryqsha aıtyp, onyń jahandyq arhıtektýra men geosaıası máselelerdiń qalyptasý úderisterin tereń túsinetindigin atap ótti. Fın memleketiniń basshysy elimizdiń Prezıdenti Q. Toqaevqa júrekjardy lebizin bildirdi.

Fınlıandııa Prezıdenti Qazaqstanǵa jasaǵan saparlaryn eske alyp, qazirgi damýyn joǵary baǵalady jáne eldegi saıası, áleýmettik-ekonomıkalyq reformalardy odan ári júzege asyrýda sáttilik tiledi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059

MURAǴAT