+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Qasym-Jomart Toqaev Eýropa Keńesiniń prezıdentimen telefon arqyly sóılesti

2020 jylǵy 2 sáýir 21:45
Bólisińiz:
Qasym-Jomart Toqaev Eýropa Keńesiniń prezıdentimen telefon arqyly sóılesti

NUR-SULTAN. QazAqparat - Memleket basshysy Qasym-Jomart Toqaev Eýropalyq Keńes prezıdenti Sharl Mıshelmen telefon arqyly sóılesti, dep habarlaıdy Aqorda.

Taraptar álemdegi koronavırýs indetiniń taralýyna qatysty qazirgi ahýaldy jáne onyń saldaryn joıý jónindegi birlesken sharalardy talqylady.

Sharl Mıshel elimizde COVID-19 vırýsynyń odan ári taralýyna jol bermeý úshin Qazaqstan Prezıdentiniń naqty is-qımyldary men sheshimderine joǵary baǵa berdi. Onyń aıtýynsha Qazaqstan Ortalyq Azııa aımaǵyndaǵy Eýropalyq odaqtyń asa mańyzdy seriktesi sanalady. Osy rette elimizdiń indetke qarsy kúres jónindegi halyqaralyq jáne óńirlik is-sharalarǵa atsalysýynyń mańyzy zor ekenin, onyń Brıýsselde joǵary baǵalatynyn jetkizdi.

Eýropalyq Keńestiń basshysy Qazaqstan Prezıdentiniń shaǵyn jáne orta bıznesti qoldaý, azamattardy jumyspen qamtý, memlekettiń halyq aldyndaǵy áleýmettik mindettemelerin oryndaý maqsatynda daǵdarysqa qarsy qabyldaǵan is-sharalaryn erekshe atap ótti. Qasym-Jomart Toqaev memlekettiń áleýmettik-ekonomıkalyq turaqtylyǵyn qamtamasyz etý úshin Qazaqstannyń naqty sheshimder qabyldaıtynyn aıtty.

Áńgimelesý barysynda Memleket basshysy Eýroodaq ókiline pandemııaǵa qarsy kúres boıynsha Reseıdiń, Qytaıdyń jáne Ortalyq Azııadaǵy birqatar elderdiń basshylarymen telefon arqyly júrgizgen kelissózderdiń qorytyndylary týraly aqparat berdi.

Sonymen qatar Qazaqstan Prezıdenti BUU Bas hatshysy Antonıý Gýterrıshtiń koronavırýsqa qarsy kúreske baǵyttalǵan, onyń ishinde, halyqaralyq qarjylandyrý (5 trln. dollar) arqyly álemdegi álsiz memleketterge kómek kórsetý jónindegi gýmanıtarlyq josparyn ilgeriletý jaıyndaǵy bastamasyn qoldaıtynyn aıtty.

Taraptar Qazaqstan men Eýropalyq odaqqa múshe elder arasyndaǵy qatynastardyń qazirgi jaǵdaıy men damý perspektıvalary, atap aıtqanda, Qazaqstan men Eýropalyq odaq arasyndaǵy Seriktestik pen yntymaqtastyqty keńeıtý týraly jańa kelisimdi júzege asyrý týraly pikir almasty.

Memleket basshysy atalǵan qujattyń saıası dıalogty odan ári nyǵaıtýdyń, Qazaqstan men Eýropalyq odaq arasyndaǵy ózara tıimdi saýda-ekonomıkalyq jáne ınvestıtsııalyq yntymaqtastyqty arttyrýǵa berik negiz bolatynyn málim etti.

Cóz sońynda taraptar óńirlik jáne jahandyq kún tártibindegi birqatar ózekti máselege nazar aýdardy. Atap aıtqanda, Sharl Mıshel Astana formaty aıasynda ótken Sırııa kelissózderiniń prespektıvasyna qyzyǵýshylyq tanytty. Qasym-Jomart Toqaev Sırııadaǵy qaqtyǵysty beıbit jolmen retteý jónindegi Jeneva protsesin jalǵastyratyn kelissózderdiń kezekti kezeńin ótkizý úshin Qazaqstannyń óz alańyn usynýǵa daıyn ekenin naqtylady.

Telefon arqyly sóılesýge eýropalyq tarap bastamashy boldy.


Bizdiń kanalymyzǵa jazylyńyz:

Basty sózder: Qazaqstan Prezıdenti,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT