+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qasym-Jomart Toqaev Dúnıejúzilik saýda uıymynyń bas dırektorymen kezdesti

2021 jylǵy 31 mamyr 18:11
Bólisińiz:
Qasym-Jomart Toqaev Dúnıejúzilik saýda uıymynyń bas dırektorymen kezdesti

NUR-SULTAN. QazAqparat - Qazaqstan Prezıdenti Qasym-Jomart Toqaev Dúnıejúzilik saýda uıymynyń bas dırektory Ngozı Okondjo-Ivealamen vıdeo konferentsııa formatynda kezdesý ótkizdi. Kelissóz barysynda Qazaqstan men Dúnıejúzilik saýda uıymy arasyndaǵy yqpaldastyqty nyǵaıtýdyń perspektıvalary qarastyryldy, dep habarlaıdy Aqorda.

Qasym-Jomart Toqaev Ngozı Okondjo-Ivealany jýyrda Dúnıejúzilik saýda uıymynyń Bas dırektory qyzmetine saılanýymen quttyqtap, atalǵan uıymmen aradaǵy tyǵyz yntymaqtastyq elimizdiń basymdyqtarynyń biri ekenin atap ótti.

Kezdesýde Qazaqstannyń tóraǵalyǵymen ótetin DSU-ǵa múshe elder mınıstrleriniń 12-shi konferentsııasyna daıyndyq máselelerine erekshe nazar aýdaryldy.

«Biz úshin bıylǵy qarashanyń sońy jeltoqsannyń basynda ótetin DSU-ǵa múshe elder mınıstrleriniń 12-shi konferentsııasyna tóraǵalyq etý úlken mártebe. Qazaqstan Úkimeti ortaq is-sharamyzdyń barlyq mazmundyq jáne uıymdastyrýshylyq máselelerine qatysty pysyqtaý jumystary boıynsha DSU Hatshylyǵymen tyǵyz yqpaldastyq ornatady», – dedi Memleket basshysy.

Prezıdenttiń aıtýynsha, Qazaqstan kópjaqty saýda júıesin belsendi jaqtaıtyn bolǵandyqtan, Konferentsııanyń naqty nátıje ákelýine múddeli. Sondaı-aq kún tártibindegi barlyq sheshilmegen máselelerdi talqylaýǵa óz tarapynan konstrýktıvti túrde úles qosýǵa daıyn ekenin jetkizdi.

Memleket basshysy DSU Bas dırektoryna Qazaqstannyń koronavırýsqa qarsy kúreste qabyldap jatqan sharalary týraly málimet berdi. Taraptar pandemııaǵa qarsy kúresti, sonyń ishinde, vaktsına men medıtsınalyq qural-jabdyqtarǵa jalpy qoljetimdilikti qamtamasyz etýge baǵyttalǵan jahandyq kúsh-jigerdi talqylady.

Qasym-Jomart Toqaev DSU basshysynyń jetekshiligi boıynsha Uıymǵa múshe eldermen, vaktsına óndirýshi memlekettermen jáne qoljetimdi vaktsınaǵa muqtaj eldermen júrgizilip jatqan syndarly dıalogty tolyq qoldaıtynyn aıtty.

«Dúnıejúzilik saýda uıymy qajetti medıtsınalyq taýarlardyń jetkizilýin jáne vaktsınaǵa ádiletti qoljetimdilikti qamtamasyz etýde mańyzdy ról atqarýy tıis dep esepteımiz. Osyǵan baılanysty Úkimetke saýda jáne densaýlyq saqtaý salasyndaǵy bastamalarǵa qatysty elimizdiń ustanymyn, atap aıtqanda, mınıstrlerdiń 12-shi konferentsııasyna qatysty tıisti sheshim ázirleýge qomaqty úles qosýdy tapsyrdym», – dedi Prezıdent.

Óz kezeginde, Ngozı Okondjo-Iveala Qazaqstannyń COVID-19 indetine qarsy kúrestegi kúsh-jigerin joǵary baǵalap, otandyq QazVac vaktsınasynyń ázirlenýimen quttyqtady.

Dúnıejúzilik saýda uıymynyń basshysy alda bolatyn mınıstrlerdiń 12-shi konferentsııasyna daıyndyq barysy týraly aıta kele, Prezıdentke atalǵan is-shara aıasynda ótetin bıznes-forýmdy uıymdastyrýǵa Qazaqstannyń qatysý múmkindigin qarastyrýdy usyndy. Sondaı-aq Qasym-Jomart Toqaevty Jenevada ótetin konferentsııaǵa shaqyrdy.

Kezdesý sońynda Qasym-Jomart Toqaev Ngozı Okondjo-Ivealany ózine yńǵaıly ýaqytta Qazaqstanǵa saparmen kelýge shaqyrdy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT