+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Qasym-Jomart Toqaev «Deutsche Welle» teleradıokompanııasyna suhbat berdi

2019 jylǵy 4 jeltoqsan 16:00
Bólisińiz:
Qasym-Jomart Toqaev «Deutsche Welle» teleradıokompanııasyna suhbat berdi

NUR-SULTAN. QazAqparat – Memleket basshysy Qasym-Jomart Toqaev «Nemetskaıa volnaǵa» suhbat berdi. Bul týraly QazAqparat QR Prezıdentiniń Baspasóz hatshysy Berik Ýálıge silteme jasap habarlaıdy.

Uqsas jańalyqtar
Prezıdent: Bizdiń bolashaǵymyz – bizdiń ǵana qolymyzda Prezıdent koronavırýs pandemııasyna baılanysty keńes ótkizdi Eńbek mınıstri: Merekeden keıingi demalys kúnderi jumysqa shyǵý zańnamaǵa saı júrgiziledi

Qazaqstan Prezıdenti Qasym-Jomart Toqaev Germanııaǵa josparlaǵan resmı saparynyń qarsańynda «Nemetskaıa volna» teleradıokompanııasyna suhbat berdi.

Memleket basshysy Kantsler Angela Merkelmen júrgizetin aldaǵy kelissózder, ekijaqty qarym-qatynastardyń ahýaly jóninde aıtty.

– Germanııa – Qazaqstannyń negizgi eýropalyq seriktesi. Germanııanyń Ortalyq Azııa elderimen jasaıtyn saýda-sattyǵynyń 86 paıyzy Qazaqstanǵa tıesili. Sapar barysynda quny shamamen eki mıllıard dollar bolatyn kelisimder men memorandýmǵa qol qoıylady dep úmittenemin.

Jalpy, Qazaqstan men Eýropalyq odaqtyń qarym-qatynastary óte jaqsy. 2018 jyly Qazaqstannyń Eýroodaqpen jasaǵan saýda kólemi 37 mıllıard dollardan asty. Bul – elimizdiń búkil syrtqy saýda aınalymynyń jartysy. Bizdiń ekonomıkamyzǵa salynǵan Germanııa ınvestıtsııasynyń 80 paıyzdan astamy shıkizat emes sektorǵa tıesili. Bul óte mańyzdy.

Germanııa mashına jasaý, resýrstyq materıaldardy óńdeý jáne basqa da salalar boıynsha álemdik kóshbasshy sanalady. Sondyqtan biz bul elmen yntymaqtastyq ornatýǵa múddelimiz. Barlyq múddeli salalardy áleýeti zor nemis ınvestorlaryna usynatyn bolamyz. Sonymen qatar olarǵa erekshe jaǵdaı jasap, onshaqty arnaıy ekonomıkalyq aımaǵymyzdan oryn beremiz, – dedi Memleket basshysy.

Qazaqstannyń ishki saıasatyna qatysty da birqatar másele sóz boldy. Atap aıtqanda, saıası júıe jáne ekonomıkalyq qurylys modeliniń – reseılik pe álde eýropalyq pa – qaısysy elimiz úshin jaqyn degen máselege Qasym-Jomart Kemeluly ózimizdiń qazaqstandyq úlgige beıildilik tanytatynyn aıtty.

– Biz ózimizdiń úlgini jasaýǵa tyrysamyz. Demokratııany damytýǵa umtylamyz. Aıtpaqshy, keıbir jýrnalısterdiń ártúrli pikirlerine qaramastan, Qazaqstan Respýblıkasynda demokratııa bar. Elimizde biz qoldaý kórsetip otyrǵan 3500-den astam úkimettik emes uıym jumys isteıdi. Ulttyq qoǵamdyq senim keńesine belgili jýrnalıster, qoǵam qaıratkerleri, blogerler, ekonomıster engen. Men olarmen únemi aqyldasyp, keńesip otyramyn. Doing business (bıznes júrgizýge qolaıly jaǵdaı jasaý sapasyn anyqtaıtyn Búkilálemdik bank ındeksi) kórsetkishi boıynsha Qazaqstan álemde 25-orynda. Bul koeffıtsıent boıynsha Reseıden alda turmyz, – dedi Prezıdent.

Sonymen qatar Memleket basshysy elimizdiń syrtqy saıası baǵdarynyń basymdyqtaryn egjeı-tegjeıli túsindirip berdi.

Anyqtamalyǵy:

Deutsche Welle (nemis. Nemis tolqyny) nemese DW – jumysyn 1953 jyldyń 3 mamyrynda Kelnnen qysqa tolqyndyq radıo arnasy retinde bastaǵan nemis memlekettik halyqaralyq tele jáne radıo kompanııasy. Qazirgi kezde «DW» 30 tilde, sonyń ishinde nemis, aǵylshyn, orys, ıspan, frantsýz, túrik, arab jáne t.b. tilderinde habar taratady. Dóıchevéleniń aǵylshyn tilindegi 24 saǵattyq teledıdarlyq jańalyqtar arnasy búkil álemge taralady jáne 197 mıllıonnan astam aýdıtorııany qamtıdy.

Eske salsaq, 5-6 jeltoqsanda Qazaqstan Prezıdenti Qasym-Jomart Toqaev Germanııa Federatıvtik Respýblıkasyna resmı saparmen baratyndyǵy týraly habarlaǵan bolatynbyz.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT