Qasym-Jomart Toqaev daryndy balalarmen kezdesti

NUR-SULTAN. QazAqparat - Memleket basshysy Qasym-Jomart Toqaev Halyqaralyq balalardy qorǵaý kúni elimizdiń barlyq óńirinen kelgen halyqaralyq jáne respýblıkalyq olımpıadalardyń jeńimpazdarymen, oqý úzdikterimen, kópbalaly otbasylardyń balalarymen, balalar úıiniń tárbıelenýshilerimen kezdesti, dep habarlaıdy Aqordanyń baspasóz qyzmeti.

Áńgimelesý barysynda Qasym-Jomart Toqaev balalardy merekemen quttyqtap, olarǵa oqýda tabys tiledi.

- Qazirgi zamanda bilimdi jáne kásibı maman bolý óte mańyzdy. Bilimdi adamnyń shamasy bárine jetedi. Sondyqtan, senderdiń jasyńda, eń bastysy, jaqsy oqyp, bilim alý. Elimizdiń laıyqty azamattary bolatyndaryńa senimdimin. Senderge baqyt tileımin, - dedi Qazaqstan Prezıdenti.

Orta synyptyń 40 oqýshysy úshin «Aqorda» rezıdentsııasynda taqyryptyq ekskýrsııa uıymdastyryldy. Olar búkil elimiz úshin mańyzdy strategııalyq sheshimder qabyldanatyn osynaý ǵajap ǵımarat týraly kóptegen qyzyqty derektermen tanysty. Sonymen qatar, ekskýrsııa barysynda Elbasynyń tulǵalyq qyryna jáne onyń tarıhtaǵy róline erekshe kóńil bólindi.