Qasym-Jomart Toqaev Belgııa koroli Fılıppen kezdesti
2021 jylǵy 25 qarasha 23:32

Qasym-Jomart Toqaev Belgııa koroli Fılıppen kezdesti

BRıÝSSELЬ. QazAqparat - Qazaqstan Prezıdenti Qasym-Jomart Toqaevtyń Belgııaǵa resmı sapary osy eldiń koroli Fılıppen kezdesýden bastaldy, dep habarlaıdy QazAqparat Aqordaǵa silteme jasap.

Memleket basshysy pandemııadan keıingi Eýropaǵa alǵashqy saparyna erekshe mán beretinin atap ótti. Kezdesýde ekijaqty yntymaqtastyqtyń saıası, saýda-ekonomıkalyq jáne gýmanıtarlyq salalardaǵy yntymaqtastyq máselelerin talqylady. Sonymen qatar halyqaralyq kún tártibindegi ózekti problemalar jóninde pikir almasty.


– Elderimiz arasyndaǵy túrli saladaǵy ózara yqpaldastyq keńeıip kele jatyr. Buǵan bizdiń elimizge úsh ret kelgen Sizdiń qosqan úlesińiz zor, – dedi Qasym-Jomart Toqaev.

Prezıdent Qazaqstanda keıingi jyldary júrgizilip jatqan saıası reformalarǵa arnaıy toqtaldy.

Belgııa Koroli elimizde júzege asyp jatqan saıası reformalar men ekonomıkalyq jáne gýmanıtarlyq saladaǵy jumystar týraly málimetterdi qyzyǵýshylyqpen qabyldady.

Memleket basshysy Qazaqstan men Belgııa arasyndaǵy yntymaqtastyqty odan ári damytatyn perspektıvaly baǵyttardy atap ótti. Sondaı-aq kelesi jyldyń qyrkúıek aıynda elimizde Álemdik jáne dástúrli dinder kóshbasshylarynyń VII sezi ótetinin aıtty. Sol mańyzdy is-sharaǵa Korol Fılıpp te qatysady dep úmittenetinin jetkizdi.


Jańalyqtar

MURAǴAT