Qasym-Jomart Toqaev Atatúrik kesenesine gúl shoǵyn qoıdy
2022 jylǵy 10 mamyr 16:15

Qasym-Jomart Toqaev Atatúrik kesenesine gúl shoǵyn qoıdy

NUR-SULTAN. QazAqparat – Qasym-Jomart Toqaevtyń Túrkııa Respýblıkasyna memlekettik sapary Túrkııanyń negizin qalaýshy ári tuńǵysh Prezıdenti Mustafa Kemal Atatúriktiń rýhyna taǵzym etýden bastaldy, dep habarlaıdy QazAqparat Aqordaǵa silteme jasap.

Anytqabir kesenesin aralap kórgen Memleket basshysy Qurmetti qonaqtar kitabyna qoltańba qaldyrdy. Onda Qasym-Jomart Toqaev tamyrlas túrik jurtyna zor qurmetin bildirip, Qazaqstan men Túrkııa arasyndaǵy dostyqtyń máńgi bolýyn, eki el yntymaqtastyǵynyń arta berýin jáne baýyrlas túrik halqyna baq-bereke tiledi.

Gúl shoǵyn qoıý saltanatty rásimine Qazaqstannyń resmı delegatsııasynyń músheleri de qatysty.




Uqsas jańalyqtar

Jańalyqtar

Úrdis

MURAǴAT