+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Qasym-Jomart Toqaev Almatyny damytý jóninde qandaı tapsyrmalar júktedi

2019 jylǵy 29 qazan 15:50
Bólisińiz:
Qasym-Jomart Toqaev Almatyny damytý jóninde qandaı tapsyrmalar júktedi

ALMATY. QazAqparat – QR Prezıdenti Qasym-Jomart Toqaev Almaty qalasyn damytý máseleleri jóninde keńes ótkizdi, dep habarlaıdy QazAqparat Aqordaǵa silteme jasap.

Uqsas jańalyqtar
Prezıdent: Halyqtyń ánuranymyzdy birge shyrqaýy - Otanǵa degen súıispenshiliktiń kórinisi Qasym-Jomart Toqaev Eýropa Keńesiniń prezıdentimen telefon arqyly sóılesti Qazaqstan Armenııamen kólik pasportynyń elektrondyq júıesin uıymdastyrý týraly kelisimdi ratıfıkatsııalady

Memleket basshysy ınvestıtsııa tartý, jańa jumys oryndaryn ashý, ınfraqurylymdy damytý, shaǵyn jáne orta bıznestiń órkendeýine jaǵdaı jasaý, sondaı-aq, ekologııany qorǵaý ákimderdiń jumysyndaǵy negizgi kórsetkish ekenin aıtty.

– Almatynyń atqarar róli óte mańyzdy. Qalada basqa óńirlerge úlgi bolatyndaı kóp jumys atqarylyp jatyr. Degenmen, qalany ári qaraı damytý, halyqtyń ál-aýqatyn arttyrý, turmys sapasyn jaqsartý – kún tártibinen túspeıtin mindet ekenin umytpaǵanymyz jón, – dedi Memleket basshysy. Qasym-Jomart Toqaev ońtústik astanany damytýdyń birqatar naqty mindetterin atap ótti.

Prezıdent bıznes pen ınnovatsııany damytý esebinen qala ekonomıkasynyń joǵary ósimin qamtamasyz etýdiń mańyzdylyǵyn basty mindet retinde aıtty. Atalǵan baǵyt boıynsha qaladaǵy atqarylǵan jumystarǵa toqtalǵan Memleket basshysy qalanyń ındýstrııalyq aımaǵynda 33 kompanııa tirkelgenin jáne 156 mıllıard teńgeden astam ınvestıtsııa salynǵanyn mysalǵa keltirdi. Sonymen qatar Prezıdent atalǵan aımaq qurylǵan 7 jyl ishinde nebary 6 jańa kásiporyn iske qosylǵanyn, bıyl tek 1 shaǵyn zaýyt qana jumys isteı bastaǵanyna nazar aýdardy.

Osyǵan oraı Qasym-Jomart Toqaev qala ákimine ındýstrııalyq aımaqqa, ásirese, joǵary tehnologııalyq jáne eksportqa beıimdelgen jańa jobalar tartýǵa keńes berdi.

Memleket basshysy ınnovatsııany damytýdyń jáne tyń jobalardy engizýdiń mańyzdylyǵyna toqtalyp, qalada jetekshi ýnıversıtetter shoǵyrlanǵanyn jáne ǵylymı ári kadrlyq áleýeti jaqsy ekenin atap ótti. Bul rette ol osy salada mańyzdy ázirlemelerdiń joǵyna nazar aýdaryp, Almatydaǵy «Innovatsııalyq tehnologııalar parki» arnaıy ekonomıkalyq aımaqtyń áleýetin paıdalanýdy tapsyrdy.

Qazaqstan Prezıdenti qaladaǵy bıznes ahýaldy jaqsartý jáne onyń ınvestıtsııalyq tartymdylyǵyn arttyrý jónindegi jumystardy jandandyrýdy tapsyrdy.

– Eger biz elimizdegi iri qalalardyń, jalpy elimizdiń ınvestıtsııalyq jáne týrıstik tartymdylyǵyn shynymen arttyrǵymyz kelse, jýyq arada sheteldikterdi kóshi-qon polıtsııasy organdarynda mindetti tirkeý sııaqty anahronızmnen qutylý kerek, – dedi Qasym-Jomart Toqaev.

Baıandamada shaǵyn jáne orta bıznestiń damýyna kedergi keltiretin problemalardy sheshýdiń mańyzdylyǵyn atap ótti.

– Kásipkerlerge júrgizilgen saýalnama nátıjesinde kóptegen kórsetkishter boıynsha qala jergilikti atqarýshy organdar jumysynyń tıimdiligi, sybaılas jemqorlyqtyń taralýy, tekserýlerdiń negizdiligi jóninen artta qalyp keledi. Shaǵyn jáne orta bızneske jan-jaqty qoldaý kórsetý, túrli kedergilerdi alyp tastaý mindeti qala ákimdiginiń moınynda qala beredi. Almaty elimizdiń basty iskerlik ortalyǵy mártebesin saqtaýy tıis, – dedi Prezıdent.

Memleket basshysy tamaq ónimderine, eń aldymen, nan men et ónimderine qymbattaýyna jol bermeý kerektigin aıtty.

– Azyq-túlik ónimderine baǵanyń ósýi bizdiń ekonomıkamyzdyń osaldyǵynyń aıqyn kórsetkishi bolyp tabylatynyn moıyndaý kerek. Mysaly, syrtqy naryqtarda konıýnktýranyń nasharlaýyna silteme jasaý múldem orynsyz. Úkimet ekonomıka ósiminiń jańa tetikterin qurý úshin qosymsha sharalar ázirledi. Bul sharalardy men arnaıy keńeste maquldadym. Olardy shuǵyl túrde júzege asyrý qajet, – dedi Qasym-Jomart Toqaev.

Prezıdent kelesi bir mańyzdy mindet retinde qala turǵyndarynyń áleýmettik jaǵdaıyn aıtty. Ol jumyssyzdyq problemasyn, medıtsınalyq qyzmet kórsetý isin jaqsartý qajettigin, sondaı-aq, jalpy bilim beretin mektepter men balabaqshalardaǵy oryn tapshylyǵyn erekshe atap kórsetti.

Ómir sapasyn arttyrý men qalanyń ınfraqurylymyn damytý isin qamtamasyz etý máseleleri de Memleket basshysynyń nazarynan tys qalmady.

– Biz Almatyny halyqaralyq bıznes jáne týrızm ortalyǵy retinde kórsetemiz. Sondyqtan qala turǵyndarynyń ómir súrý sapasyn arttyrý jónindegi barlyq jumys halyqaralyq standarttarǵa saı beıimdelýi tıis. Eń bastysy, azamattarǵa qalada ómir súrý qolaıly ári jaıly bolýy kerek. Buǵan úıge baratyn joldyń bolýy, áleýmettik ınfraqurylymnyń jaqyn ári qoljetimdiligi, sapaly aýyzsýmen, gazben, úzdiksiz elektr qýatymen jáne jylýmen qamtamasyz etilýi sııaqty birqatar faktorlar áser etedi, – dedi Qasym-Jomart Toqaev.

Prezıdent kóshelerdi jaryqtandyrý, aýlalardyń jaǵdaıyn jaqsartý, aryq júıesiniń jumysyn retteý jónindegi problemalardy sheshý úshin qala ákimdigine tapsyrma berdi.

Memleket basshysy qalanyń kólik ınfraqurylymyn damytýǵa baılanysty jetistikterin atap ótip, osy saladaǵy birqatar máselelerge nazar aýdardy.

– Kún saıyn Qaskeleń, Qapshaǵaı, Talǵar jaǵynan jáne Qulja kúre joly arqyly qalaǵa 200 myńnan astam avtomobıl keledi. Bul Almatyda, ásirese tańerteń jáne keshki ýaqyttarda keptelis jasaıdy. Bul problemany avtojoldardy qaıta salý jáne keńeıtý arqyly ǵana emes, sondaı-aq, metro jelileriniń sanyn arttyrý jáne qala men irgeles aýdandardy qosatyn qoǵamdyq kólikti damytý arqyly sheshý qajet, – dedi Qasym-Jomart Toqaev.

Prezıdent Almatynyń seısmologııalyq turǵydan belsendi aımaqta ornalasqanyn aıtty.

– Qala turǵyndary sońǵy seldi jaqsy biledi. Bul – halyqty alańdatyp otyrǵan másele. Qalada sel qaýipsizdigin tolyq qamtamasyz ete otyryp, «Aqsaı» jáne «Aıýsaı» shatqaldarynda bógetter salý jumysyn bastaý qajet, – dedi Memleket basshysy.

Keńes barysynda Qasym-Jomart Toqaev qalanyń ekologııalyq ahýaly men aýanyń sapasyna basa mán berdi. Ol qoǵamdyq kólikterdi gazǵa jáne basqa da janarmaıdyń ekologııalyq túrlerine kóshirý isin aıaqtaýdy, qalanyń jeke sektorlaryn jáne qala mańy aımaǵyn gazdandyrýdy júzege asyrýdy, aǵashtardy, alma baqtaryn zańsyz otaý máselesine baqylaý ornatýdy, sondaı-aq, qalany kógaldandyrý jáne Almaty aportyn qaıta qalpyna keltirý jumystaryn jandandyrýdy tapsyrdy.

Prezıdent óz sózinde Kók Jaılaý taý shańǵysy kýrortyn salý máselesine núkte qoıdy.

– Bul máselege qaıta-qaıta oralmaý úshin osy jobamen aınalysýǵa tyıym salamyn. Onyń ústine barlyq kásibı ekologtar da oǵan qarsy shyǵýda, – dedi Memleket basshysy.

Qasym-Jomart Toqaev megapolıstiń týrıstik áleýeti týraly aıta kelip, týrıstik ónimderdi óte joǵary deńgeıde damytý úshin Almatynyń áleýeti zor ekenin atap ótti. Bul taý, mádenı, etnografııalyq týrızm sııaqty, iskerlik týrızmge de qatysty. Prezıdent 2025 jylǵa deıingi týrıstik salany damytýdyń memlekettik baǵdarlamasynda Almaty óńiriniń taý klasteri basym baǵyt bolyp belgilengenin aıtty.

– Úkimet pen qala ákimdigine taýly aımaqtardyń josparyn júzege asyrý isin bastaýdy tapsyramyn. Bul joba 2 mıllıard dollardan astam ınvestıtsııa tartyp, keminde 30 myń jumys ornyn asha alady. Bul rette barlyq sheshimder halyqtyń pikirin eskere otyryp qabyldanýy qajet ekenine nazar aýdaramyn, – dedi Prezıdent.

Memleket basshysy qoǵamdyq qaýipsizdikti qamtamasyz etý máselelerine de toqtaldy.

– Ókinishke qaraı, Almaty qylmys deńgeıi boıynsha elimizde birinshi orynda tur. Bul jerde usaq quqyq buzýshylyqtar – urlyq pen buzaqylyqtyń úlesi basym. Olardyń kóptigi sonshalyq, qala turǵyndary bul jaǵdaıdy qylmys jaılap alǵandaı qabyldaıdy. Bul – qala turǵyndaryn tolǵandyratyn basty máselelerdiń biri, – dedi Qasym-Jomart Toqaev.

Prezıdent sóziniń sońynda Almaty qalasy Elbasynyń kórsetken qoldaýynyń arqasynda damýdyń joǵary kórsetkishterine qol jetkizgenin atap ótip, alǵa qoıylǵan maqsattarǵa jetý úshin kúsh jumyldyrýǵa shaqyrdy.

Sonymen qatar keńeste Premer-Mınıstrdiń birinshi orynbasary Álıhan Smaıylov, Almaty qalasynyń ákimi Baqytjan Saǵyntaev, Prezıdenttiń kómekshisi Aıda Balaeva, sondaı-aq, Indýstrııa jáne ınfraqurylymdyq damý mınıstri Beıbit Atamqulov sóz sóıledi.

Bizdiń kanalymyzǵa jazylyńyz:

Basty sózder: Qazaqstan Prezıdenti, Almaty,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT