+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qasym-Jomart Toqaev AQSh-tyń Aýǵanstandaǵy tatýlastyrý jónindegi arnaýly ókili Zalmaı Halılzadty qabyldady

2021 jylǵy 14 maýsym 14:52
Bólisińiz:
Qasym-Jomart Toqaev AQSh-tyń Aýǵanstandaǵy tatýlastyrý jónindegi arnaýly ókili Zalmaı Halılzadty qabyldady

NUR-SULTAN. QazAqparat - Memleket basshysy Qazaqstanǵa jumys saparymen kelgen AQSh-tyń Aýǵanstandaǵy tatýlastyrý jónindegi arnaýly ókili Zalmaı Halılzadty qabyldady, dep habarlaıdy QazAqparat Aqordanyń resmı saıtyna silteme jasap.

Uqsas jańalyqtar
Qalmuhanbet Qasymov Memlekettik kúzet qyzmetiniń bastyǵy qyzmetinen bosatyldy Aýǵanstan men Irak ShYU qorǵanys mınıstrleriniń nazarynda Qasym-Jomart Toqaev «KazRost Engineering Ltd.» kompanııasyna bardy

Kezdesý barysynda Aýǵanstandaǵy qaýipsizdik pen turaqtylyqty qamtamasyz etý boıynsha Qazaqstan men Amerıka arasyndaǵy keńeıtilgen strategııalyq seriktestikti damytýdyń perspektıvalary, sonyń ishinde, AQSh pen NATO áskerleriniń osy elden shyǵarylý barysy qarastyryldy. Sonymen qatar Aýǵanstan memleketiniń turaqtylyǵy men áleýmettik-ekonomıkalyq damýyn qaıta qalpyna keltirý jónindegi ekijaqty jáne kópjaqty is-qımyldardy úılestirý máselesi de sóz boldy.

Qazaqstan Prezıdenti amerıkalyq dıplomatqa iltıpat bildirip, onyń bul saparynyń elderimiz arasyndaǵy joǵary deńgeıdegi dıalogty saqtaý turǵysynan mańyzy zor ekenine toqtaldy.

– Bıyl biz Táýelsizdigimizdiń 30 jyldyǵyn atap ótemiz. Osy ýaqyt aralyǵynda biz dostyqqa jáne ózara tıimdi yntymaqtastyqqa negizdelgen qatynastardy ornata aldyq. AQSh – Qazaqstanyń senimdi seriktesi. Bizdiń ártúrli baǵyttar boıynsha, sonyń ishinde, saýda jáne ekonomıka salalaryndaǵy belsendi yqpaldastyǵymyz jolǵa qoıylǵan, – dedi Qasym-Jomart Toqaev.

Memleket basshysy Aýǵanstandaǵy ahýaldy retteý jónindegi yntymaqtastyqty Qazaqstan men AQSh arasyndaǵy ózara yqpaldastyqtyń mańyzdy bóligi retinde atap ótti.

Prezıdent Aýǵanstannyń, Reseıdiń, Qytaıdyń, Ortalyq Azııa memleketteriniń jáne halyqaralyq uıymdardyń basshylarymen júrgizgen kelissózderinde aýǵan problemasy únemi nazarda bolatynyn jetkizdi.

Óz kezeginde Zalmaı Halılzad Qasym-Jomart Toqaevqa jeke kezdesýge múmkindik bergeni úshin alǵys bildirdi. AQSh-tyń arnaýly ókili Qazaqstan Prezıdentiniń Aýǵanstandaǵy turaqtylyqty qalpyna keltirýge baǵyttalǵan halyqaralyq is-qımyldarǵa qosqan úlesin joǵary baǵalap, elimizdiń Ortalyq Azııa óńirindegi turaqtylyqty saqtaýdaǵy mańyzdy róline toqtaldy.

Áńgimelesý barysynda Zalmaı Halılzad Aýǵanstandaǵy qazirgi ahýalǵa baǵa berip, aýǵanaralyq beıbit protsesti odan ári damytýǵa, aýǵan baǵytyndaǵy barlyq múddeli taraptardyń kúsh-jigerin úılestirýge qatysty AQSh dıplomatııasynyń oı-pikirin ortaǵa saldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT