+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qasteev mýzeıinen shyǵatyn qatty dybys: Mınıstrlik onyń sebebin túsindirdi

2021 jylǵy 14 shilde 14:23
Bólisińiz:
Qasteev mýzeıinen shyǵatyn qatty dybys: Mınıstrlik onyń sebebin túsindirdi

ALMATY. QazAqparat- Mádenıet jáne sport mınıstrligi Á.Qasteev atyndaǵy memlekettik óner murajaıyna irgeles turǵan Central Esentai Resedence turǵyn úı kesheni turǵyndarynyń shaǵymyna qatysty túsinik berdi, dep habarlaıdy QazAqparat tilshisi.

Almaty qalalyq sanıtarııa-epıdemıologııalyq baqylaý departamentiniń qorytyndysyna sáıkes, mýzeıdiń salqyndatý jáne aýa aınalý júıesinen shyǵatyn dybys ruqsat etilgen normadan asatyny anyqtalyp, murajaıǵa 230 AEK (670 myń teńge) aıyppul salyndy.

Al bul olqylyqtyń ornyn toltyrýǵa 30 kún berildi.

Búginde murajaı basshylyǵy aıyppuldyń 50%-yn tólegen.

Bul murajaı respýblıkalyq mańyzy bar qala qurylysy men sáýlet eskertkishi qataryna jatady.

1983 jyldan bastap memlekettik tarıhı jáne mádenı eskertkishter tizimine kiredi.

Elimizdiń «Tarıhı-mádenı mura obektilerin qorǵaý jáne paıdalaný týraly» Zańyna sáıkes, eskertkishterdi qorǵaýdy qamtamasyz etý maqsatynda:

1) qorǵaý aımaqtary;

2) qurylys salýdy retteý aımaqtary;

3) Qazaqstan Respýblıkasynyń zańnamasynda aıqyndalatyn tártippen qorǵalatyn tabıǵat landshaft aımaqtary bolyp bólinedi.

Tarıhı-mádenı mura obektilerin qorǵaý jáne paıdalaný salasyndaǵy zańnamada kórsetilgendeı dál osyndaı tarıhı-mádenı eskertkish aýmaǵynda qurylys jumysyn júrgizýge shekteý bar.

Zańda qalalar men basqa da eldi mekenderdi josparlaý, salý jáne rekonstrýktsııalaý jobasy, tarıhı jáne mádenı eskertkishter ornalasqan jerdi paıdalaný kartasy ýákiletti organmen kelisilýi kerek ekeni kórsetilgen.

«Alaıda murajaıdyń aýmaǵyna osy kópqabatty turǵyn úı keshenin salýǵa mınıstrlik kelisim bergen joq. Murajaıdyń salqyndatý jáne kondıtsıonerleý júıesi murajaıdyń ózi qurylǵan sátten bastap, ıaǵnı 1976 jyly júrgizilgenin atap ótken jón. Bul ǵımarattyń tirshiligin qamtamasyz etý júıesi, al ǵımarattyń syrtynda turǵan qazirgi tońazytqyshtar 2008 jyly ornatyldy. Olar shtattyq rejımde jumys isteıdi. Jyl saıyn profılaktıkalyq qyzmet kórsetýden ótedi jáne óndirýshiniń sıpattamalaryna saı keledi»,-delingen mınıstrlik taratqan aqparatta.

Mádenıet jáne sport mınıstriniń 2015 jyly 7 jeltoqsandaǵy №372 buıryǵymen bekitilgen Qazaqstan Respýblıkasy mýzeı qorynyń mýzeı zattaryn esepke alý, saqtaý, paıdalaný jáne esepten shyǵarý nusqaýlyǵyna sáıkes, ártúrli mýzeı zattaryn keshendi saqtaý kezinde aýa temperatýrasy Tselsıı boıynsha +18o ± 1° bolýy kerek.

ıAǵnı, mýzeıdiń salqyndatý jáne kondıtsıonerleý júıesi - ulttyq mádenı murany saqtaýdyń kepili jáne kez kelgen mýzeıdiń sapaly jumysyn qamtamasyz etýdiń mindetti bóligi.

«Der kezinde áreket etýdiń arqasynda murajaı men Central Esentai Resedence turǵynúı kesheniniń qurylysyn júrgizgen tarap kelissóz jasady. Onyń nátıjesi boıynsha qurylys júrgizgen tarap bul jaǵdaıdy retteıtinin jetkizip, ýaǵdalastyqqa qol jetkizdi. Bul másele mınıstrliktiń turaqty baqylaýynda bolady»,- dep atap ótti mınıstrliktegiler.

Aıta keteıik, qala turǵyndary mýzeı jeldetkishinen shyǵatyn qatty dybysqa shaǵymdanǵan bolatyn.

Bul týraly birqatar buqaralyq aqparat quraldyry jazdy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT