+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Kaspıı jaǵalaýynda ozyq úlgidegi qutqarý stansasy ashyldy

2021 jylǵy 30 shilde 18:25
Bólisińiz:
Kaspıı jaǵalaýynda ozyq úlgidegi qutqarý stansasy ashyldy

AQTAÝ. QazAqparat - Aqtaýda ozyq úlgidegi sýda qutqarý stansasy ashyldy, dep habarlaıdy QazAqparat tilshisi.

Jańa nysan Mańǵystaý oblysyndaǵy barlyq sýda qutqarý bólimsheleriniń ortalyǵy retinde jumys isteıtin bolady.

Kaspıı jaǵalaýynda ornalasqan jańa sýda qutqarý stantsııasynyń ashylý saltanatyna qatysqan Mańǵystaý oblysynyń ákimi S.Trumov jınalǵandardy jańa nysannyń ashylýymen quttyqtap, qutqarý qyzmetiniń jumysyn jetildirýdiń mańyzdylyǵyn atap ótti.

«Kópten kútken sýda qutqarý stantsııasyn salý qajettiligi jaǵalaý aımaǵynda bolyp jatqan tótenshe jaǵdaılarǵa turaqty ázirlikti jáne jedel den qoıýdy qamtamasyz etý maqsatynda týyndady. Teńiz jaǵalaýyndaǵy demalys oryndary da, óńirge kelip, jaǵajaıda demalýshylardyń da sany jyldan-jylǵa artyp keledi. Olardyń qaýipsizdigin qamtamasyz etýde bul ortalyqtyń mańyzy zor bolmaq. Qutqarýshylardyń alańsyz qyzmet etýine munda barlyq jaǵdaı jasalǵan»,-dedi oblys basshysy.

Stantsııa jyldam júretin qutqarý katerlerimen, súńgýir jáne sýda qutqarý jabdyqtarymen, avtokóliktermen jáne júzý quraldarymen jabdyqtalǵan.

«Bul stansanyń ashylýyn kópten kúttik. Osyǵan deıin tar bólmede otyrsaq, endi zaman talabyna saı, ishinde qutqarýshylar úshin barlyq jaǵdaı jasalǵan ǵımaratqa qonys aýdardyq»,-deıdi jedel-qutqarý jasaǵynyń basshysy Nazar Іztileýov.

Bıyl sýǵa túsý maýsymy bastalǵaly óńirde 9 adam sýǵa ketken.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT