+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Kaspıı jaǵalaýynda ıtbalyqqa tas laqtyryp, qorlaǵandar jazasyn alady

2020 jylǵy 7 shilde 23:54
Bólisińiz:
Kaspıı jaǵalaýynda ıtbalyqqa tas laqtyryp, qorlaǵandar jazasyn alady

AQTAÝ. QazAqparat - Mańǵystaýda ıtbalyqty qorlaǵandar jaýapkershilikke tartylady. Bul jaıly Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet málim etti, dep habarlaıdy QazAqparat.

«6 shilde kúni Kaspıı teńiziniń jaǵalaýynda demalyp jatqan adamdardyń teńizdegi ıtbalyqty qorlap, oǵan tas laqtyrǵany belgili boldy. Bul fakti boıynsha Mańǵystaý oblysynyń orman sharýashylyǵy jáne janýarlar álemi aýmaqtyq ınspektsııasy oblystyq polıtsııa departamentine hat joldady. Onda janýardy qorlaǵan adamdardy anyqtap, jaýapkershilike tartý jóninde aıtylǵan» dep jazady Facebook paraqshasynda Sáken Dildahmet.

Onyń aıtýynsha, Qazaqstan zańnamasynda ań-qusty qorlaǵandar úshin aıyppul nemese qoǵamdyq jumysqa tartý jazasy qarastyrylǵan.

«Erteń 8 shildede Mańǵystaý oblysynyń orman sharýashylyǵy jáne janýarlar álemi aýmaqtyq ınspektsııasynyń ınspektorlary teńiz jaǵalaýynda demalyp jatqan adamdar arasynda túsindirý jumysyn júrgizedi» dep atap ótti Sáken Dildahmet.

Eske sala keteıik, 6 shilde kúni áleýmettik jelide demalyp jatqan adamdar Kaspıı ıtbalyǵyna tas laqtyrǵany týraly vıdeo paıda boldy. Vıdeoda kórinip turǵandaı, ıtbalyq adamdarǵa shabýyl jasaý nıetinsiz, qyzyq kórip jaqyndaǵan. Ókinishke qaraı, otandastarymyz qaýip týdyrmaıtyn ańǵa jabaıylyqpen jaýap berip, tas laqtyrǵan.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT