Kaspıı sammıtiniń kelesi jıyny Iranda ótedi
2022 jylǵy 29 maýsym 19:42

Kaspıı sammıtiniń kelesi jıyny Iranda ótedi

AShHABAD. QazAqparat - Jetinshi Kaspıı sammıti kelisilgen merzimde Iran Islam Respýblıkasynda ótedi, dep habarlaıdy QazAqparat.

Túrikmenstanda búgin altynshy Kaspıı sammıti ótti, onyń kommıýnıkesi jarııalandy.

Jıynda QR Prezıdenti Qasym-Jomart Toqaev sóz sóılep, Kaspıı mańy azyq-túlik habyn qurýdy usyndy. Sondaı-aq ekologııalyq problemalardy Jaıyq ózeni men ıtbalyqtardyń qyrylýy máselesin de sóz etti. Budan bólek Memleket basshysy Transkaspıı halyqaralyq kólik baǵytynyń róli aıtarlyqtaı artqanyn aıtty.

Eske salsaq, Qazaqstan Prezıdenti Kaspıı mańy memleketteri basshylarynyń altynshy sammıtine qatysý úshin Ashhabad qalasyna jumys saparymen keldi.

Sapar aıasynda Qasym-Jomart Toqaev Túrikmenstan Prezıdenti Serdar Berdimuhamedovpen jáne Túrikmenstannyń burynǵy Prezıdenti, Halyq Máslıhaty Ulttyq keńesiniń tóraǵasy Gýrbangýly Berdimuhamedovpen kezdesti.


Jańalyqtar

Úrdis

MURAǴAT