Kaspıı qubyr jelisiniń salynýy munaı-gaz sektoryn damytýǵa aıryqsha yqpal etedi - Toqaev
2021 jylǵy 16 qarasha 11:23

Kaspıı qubyr jelisiniń salynýy munaı-gaz sektoryn damytýǵa aıryqsha yqpal etedi - Toqaev

NUR-SULTAN. QazAqparat – Kaspıı qubyr jelisiniń salynýy munaı-gaz sektoryn damytýǵa aıryqsha yqpal etedi. Bul jaıynda Kaspıı qubyr konsortsıýmynyń 25 jyldyǵyna arnalǵan saltanatty jıynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Kaspıı qubyr jelisi konsortsıýmynyń qurylǵanyna 25 jyl tolýymen quttyqtaımyn. Munaı-gaz sektory - Qazaqstannyń ekonomıkasyn órkendetýge jol ashqan basty salanyń biri. Bul salany damytý úshin shetelden aýqymdy ınvestıtsııa tartylyp, ozyq tehnologııa engizildi. Bizdiń elimiz álemdegi eń iri munaı eksporttaýshy memleketterdiń qatarynda. Qazir jylyna 90 mln tonnaǵa deıin munaı óndiremiz. Ónimdi syrtqa shyǵaratyn Kaspıı qubyr jelisiniń salynýy munaı-gaz sektoryn damytýǵa aıryqsha yqpal etedi», - dedi Qasym-Jomart Toqaev saltanatty jıyn barysynda.

Aıta keteıik, QR Prezıdenti Qasym-Jomart Toqaevtyń tóraǵalyǵymen Kaspıı qubyr konsortsıýmynyń 25 jyldyǵyna arnalǵan saltanatty jıyn ótip jatyr.

Aıta keteıik, 2021 jylǵy qazan aıynda KQK teńiz termınalynan 5 390 687 tonna munaı (49 289 039 barrel) tıeldi.

Onyń ishindegi 2 556 515 tonnasy – Teńiz ken ornynan, 751 173 tonnasy – Qarashyǵanaq ken ornynan, 1 471 461 tonna – Qashaǵan ken ornynan óndirilgen munaı, sondaı-aq 62 127 tonna - basqa da qazaqstandyq óndirýshilerinen kelgen munaı.


Uqsas jańalyqtar

Jańalyqtar

Úrdis

MURAǴAT