+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Qasiretti kezeńiniń áli ashylmaǵan aqtańdaq betteri kóp- Jabal Erǵalıev

2020 jylǵy 30 mamyr 20:40
Bólisińiz:
Qasiretti kezeńiniń áli ashylmaǵan aqtańdaq betteri kóp- Jabal Erǵalıev

KÓKShETAÝ. QazAqparat – Qazaq halqynyń qasiretti kezeńiniń áli de aqtańdaq betteri kóp. Áli kúnge deıin qazaq baılary men aýqattylaryn kámpeskeleý tarıhy tolyq zerttelgen joq. Mundaı pikirdi Qazaqstannyń eńbek sińirgen qaıratkeri, Senatorlar keńesiniń múshesi Jabal Erǵalıev bildirdi, dep habarlaıdy QazAqparat tilshisi.

«Adamzat tarıhynda birde-bir memleket óz halqyna dál Keńes Odaǵyndaı terror jasamaǵan bolar. Memleket basshysy óz úndeýinde «HH ǵasyrdyń 20-50 jyldaryndaǵy saıası qýǵyn-súrgin zobalańy – halqymyzdyń tarıhyndaǵy qasiretti kezeń» ekendigin aıta otyryp, bizdiń elimiz boıynsha ǵana 100 myńǵa jýyq azamatymyz qýǵyn-súrginge ushyrap, sonyń 20 myńnan astamy atylǵandyǵyn jáne de Keńes zamanynda ómir súrgen halyqtarǵa «úlken terrordyń» orasan zor qasiret ákelgenin, zulmat jyldarda Qazaqstanǵa KSRO-nyń túkpir-túkpirinen bes mıllıonnan astam adam jer aýdarylǵandyǵyn atap kórsetipti. Sol qıyn da qasiretti kezeńde bizdiń halqymyz kez-kelgen ulttyń balasyn baýyryna basty. Ózderi jarymaı otyrsa da, olarmen qurt-maıymen, baýyrsaǵymen bólisti, tórine otyrǵyzyp, tósegine jatqyzdy», - deıdi J.Erǵalıev.

Onyń aıtýynsha, saıası qýǵyn-súrgin men asharshylyq ýaqytynda qazaqtardyń sol márttigi, sol adaldyqtary men sol keńpeıildilikteri, sol darhandyqtary, sol baýyrmaldylyqtary Adamzat tarıhynyń altyn betterine altyn áriptermen jazýǵa ábden laıyq.

«Elordada ótken bir jıynda «Eger de álem boıynsha adal da tózimdi bir halyqqa Nobel syılyǵy beriletin bolsa, oǵan tek meniń qazaq degen halqym ǵana laıyqty» dep aıtqan da bolatynmyn! Shúkir, táýba deımiz! «Keń bolsań kem bolmaısyń» degen ata-baba kóńil-nıetimen ómir súre júrip, Táýelsiz el boldyq! Taǵy da sol keńdigimizge baǵyp, Qazaqstandy mekendep otyrǵan barlyq dıasporalarǵa da bar jaǵdaı jasap otyrmyz. Eldiń birligin, yntymaǵyn oılap, sony bárinen de bıik qoıamyz. Ata-babalarymyzdan daryǵan qaısarlyq pen tózimdiliktiń arqasynda qatań synnan abyroımen ótip, birtutas ult retinde birigýge múmkindik aldyq!», dep atap ótti ol.

Onyń aıtýynsha qazaq halqynyń qasiretti kezeńiniń áli de aqtańdaqtar betteri kóp.

«Áli kúnge sheıin kámpeske, ıaǵnı, qazaq baılary men aýqattylaryn kámpeskeleý tarıhy tolyq zerttelgen joq. Ashtyq osy kámpeskeleýden bastalǵany da anyq. Stalındik júıe kezinde qoldan jasalǵan ashtyqqa Ýkraına men Qyrǵyz eli genotsıd degen saıası baǵa berdi. Biz muny aıta almaı otyrmyz», - dep jalǵastyrdy J.Erǵalıev.

Osy rette, ol Prezıdenttiń tarıhı ádildikti qalpyna keltirý jumystaryn aıaqtap, saıası qýǵyn-súrgin qurbandaryn aqtaý úshin arnaıy memlekettik komıssııa qurý bastamasyn quptaıtynyn jetkizdi.



Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT