Valıýta baǵamdary:
    usd/kzt 460.95 eur/kzt 487.18

    rub/kzt 8.66 cny/kzt 68.91
Aýa raıy:
Nur-Sultan: 1 °S
Almaty: 15 °S

Qasiretti qańtar jastardyń problemasy ózekti ekenin kórsetti – Senat tóraǵasy

2022 jylǵy 20 mamyr 11:00

NUR-SULTAN. QazAqparat – Tıimdi jastar saıasaty memlekettiń beriktigi men turaqtalyǵynyń basty sharty ekeni anyq. Bul týraly Senat tóraǵasy Máýlen Áshimbaev málim etti, dep habarlaıdy QazAqparat tilshisi.

«Qasiretti qańtar» oqıǵasy jaǵdaıy jasalmaǵan jastardyń problemasy qanshalyqty ózekti ekenin kórsetip berdi. Sol kezde kóshege shyqqan jastardyń kóbiniń sapaly bilimi, turaqty jumysy jáne tabysy bolmaǵany belgili. Osyndaı jastarymyzdy ártúrli dıstrýktıvti kúshterdiń qanshalyqty ońaı paıdalanyp kete alatynyn da kórdik. Bul bizder úshin eń mańyzdy sabaq boldy jáne jalpyulttyq kún tártibiniń negizgi basymdyǵyna aınaldy. Jalpy, tıimdi jastar saıasaty memlekettiń beriktigi men turaqtalyǵynyń basty sharty ekeni anyq», - dedi M. Áshimbaev Senattaǵy «Jańa Qazaqstan: jastar jáne jańǵyrý» taqyrybyndaǵy parlamenttik tyńdaý kezinde.

Onyń paıymynsha, elimizde jastarǵa qatysty júıeli ári keshendi sheshimderdi talap etetin birqatar ózekti áleýmettik-ekonomıkalyq problema bar.

«Eń aldymen, qoljetimdi ári sapaly bilimmen qamtamasyz etý máselesi. Qazir qalalyq jáne aýyldyq mektepterdegi bilim sapasynda aıtarlyqtaı alshaqtyq bar ekeni jasyryn emes. Ony Ulttyq biryńǵaı testileýdiń nátıjeleri de kórsetip otyr. Pandemııa kezinde ınternetke qoljetimdilik qala men aýylda birkelki bolǵan joq. Onyń saldary alshaqtyqtyń taǵy da ulǵaıýyna ákelip soqtyrdy. Al, sapaly bilimniń teń dárejede qoljetimdi bolmaýy áleýmettik teńsizdiktiń eń basty sebepteriniń biri ekeni sózsiz», - dedi Senat tóraǵasy.

Budan buryn habarlanǵandaı, M.Áshimbaev barlyq reformanyń túpki maqsaty da jastardyń ál-aýqatyn arttyrýǵa ári olardyń damýyna jaǵdaı jasaýǵa arnalǵanyn atap ótti.


Avtor:

Rýslan Ǵabbasov

Novostı po teme
Uqsas jańalyqtar