+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Kásiporyndardaǵy vaktsınatsııa máselesi korporatıvtik ádeppen astasyp jatyr - Abaev

2021 jylǵy 22 shilde 23:44
Bólisińiz:
Kásiporyndardaǵy vaktsınatsııa máselesi korporatıvtik ádeppen astasyp jatyr - Abaev

NUR-SULTAN. QazAqparat – «Prezıdent ákimshiligi basshysynyń birinshi orynbasary Dáýren Abaev «Ashyq dıalog» suhbatynyń bul jolǵy efırinde kásiporyn qyzmetkerlerin vaktsına alýǵa mindetteý máselesine toqtaldy, dep habarlaıdy QazAqparat tilshisi.

Uqsas jańalyqtar
Qyzylorda oblysynda 300 myńynshy turǵyn koronavırýsqa qarsy vaktsına aldy Nur-Sultan áýejaıynda jáne vokzalynda vaktsınatsııa pýnktileri ashyldy Qazaqstanda vaktsına alǵan qansha adam qaıtys boldy

«Men bul istegi memlekettiń qısynyn shamalap túsindirip kóreıin. Memleket adamdy erkinen tys vaktsına alýǵa kúshteı almaıdy. Biraq memlekettiń bızneske qyzmetkerleriniń ekpe alýy týraly talap qoıýǵa quqyǵy bar. Bul talap qoǵamdyq qaýipsizdikti saqtaýǵa baǵyttalǵan. Mysaly, bizdiń árbir azamattan ózimen birge órt sóndiretin qural alyp júrýin talap etýge quqymyz joq. Biraq órt qaýipsizdiginiń erejesi boıynsha, árbir kásiporynda ondaı qural bolýy mindetti. Bul – memlekettiń talaby. Al kásiporyn óz qyzmetkerleri arasyndaǵy antıvakserlerdiń problemasyn qalaı sheshetini - basqa másele», - dedi Prezıdent Ákimshiligi Basshysynyń birinshi orynbasary.

Sondaı-aq, Dáýren Abaev eger jumys berýshiniń óz qyzmetkerlerin pandemııa bitkenshe qashyqtan jumysqa jibere alatyn múmkindigi bolsa, óz erki ekenin eskertti.

«Bul máselesi bir jaǵynan korporatıvtik ádeppen astasyp jatyr. Kásiporyndar óz qatarynda búkil ujymdy qaýipke dýshar etetin adamdardy ustaýǵa daıyn ba? Mysaly, shylym shegý nemese shekpeý - árkimniń óz quqyǵy. Ony ózińiz sheshesiz. Memleket tyıym salyp nemese mindetteı almaıdy. Biraq sport dúkenderiniń kóbi mundaı zııandy ádeti bar adamdardy jumysqa almaıdy. Iá, muny shylym shegýshilerdi kemsitý dep qaraýǵa da bolady. Biraq bul – jumys berýshiniń quqyǵy», - degen spıker vaktsınalaý máselesine qatysty AQSh-ta ótken sotty mysalǵa keltirdi.

«Jýyqta Tehastyń federaldyq soty Hıýstondaǵy aýrýhanalardyń biriniń qyzmetkerleri bergen shaǵymdy keri qaıtardy. Olar da vaktsına alǵysy kelmegen. Sot qaýlysynda shaǵym berýshiniń vaktsınadan bas tartýǵa quqyǵy bar ekeni, biraq onda oǵan basqa jumys izdeýge týra keletini jazylǵan. Sondaǵy sýdıanyń sózi maǵan unady. «Árbir jumystyń shekteýi bolady, biraq sol úshin syıaqysy da bolady. Bul – kelisimniń bir bóligi». Sýdıa osylaı dedi. Osy sózdi osy jerde de qoldansa, oryndy bolatyn shyǵar», - dedi Dáýren Abaev.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT