+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Kásipodaq federatsııasy marapattady: Arasynda eden jýýshy, vahter men júrgizýshi de bar

2019 jylǵy 12 jeltoqsan 18:22
Bólisińiz:
Kásipodaq federatsııasy marapattady: Arasynda eden jýýshy, vahter men júrgizýshi de bar

NUR-SULTAN. QazAqparat - Búgin QR Kásiptik odaqtar federatsııasynda elimizdiń eń basty memlekettik merekesi – Táýelsizdik kúnine arnalǵan saltanatty jıyn ótti. Onda birqatar kásipodaq músheleri Táýelsizdik kúnine oraı marapattaldy, dep habarlaıdy QazAqparat.

Jıynda federatsııa tóraǵasy Eraly Toǵjanov elimizdiń ár azamaty úshin eń uly ári qasterli merekeniń mańyzdylyǵyna toqtala kele, Táýelsizdiktiń 28 jylynda elimizdiń qol jetkizgen jetistikterin atap ótti. Sonymen qatar, tóraǵa Kásipodaqtar federatsııasynyń el táýelsizdigin nyǵaıtýǵa qosqan úlesi men búginde kásipodaqtardyń azamattyq qoǵamnyń tiregine aınalǵandyǵyn aıtty.

«Táýelsizdik alǵannan beri iri qoǵamdyq qozǵalysqa aınalǵan federatsııa quramynda qazir 2 mıllıonnan astam eńbekker jáne 23 salalyq, 17 aýmaqtyq kásipodaq birlestigi men 18 myń bastaýysh kásipodaq uıymdary bar»,- dedi ol.

Onyń aıtýynsha, qazirgi kúni áleýmettik áriptestik aıasynda jumys oryndaryn saqtaýǵa qatysty 117 myń memorandýmǵa qol qoıylǵan. Kásiporyndarda eńbek qaýipsizdigi men eńbekti qorǵaý boıynsha 15 myń óndiristik keńester qurylyp, jumys isteıdi. Budan bólek, federatsııa basshysy óńirlerge jumys saparynda eńbek ujymdary tarapynan kóterilgen ózekti máselelerge de toqtaldy.

Eraly Toǵjanov sóziniń sońynda kásipodaq múshelerine elimizdiń turaqty damýy men kemeldenýi jolyndaǵy jáne kásipodaq qozǵalysyn jandandyrýdaǵy eńbekterine tabys pen jańa jetistikter tiledi. Saltanatty jıynda birqatar kásipodaq músheleri Táýelsizdik kúnine oraı QR Prezıdentiniń Jarlyǵyna sáıkes elimizdiń óńirlerinen 16 kásipodaq uıymdarynyń ókilderi memlekettik marapatqa ıe boldy.

Atap aıtqanda, «Qurmet» ordenimen «Hımııa, munaıhımııa jáne ónerkásip tektes sala jumyskerleriniń salalyq kásiptik odaǵy» QB tóraǵasy Kerim Pirimqululy jáne «Qurylys kesheni jáne turǵyn úı kommýnaldyq sharýashylyǵy qyzmetkerleriniń salalyq kásipodaǵy» QB tóraǵasy Quseıin Esenǵazın marapattaldy.

Marapattalǵandar qatarynda vahter Esengeldi Nurmaǵanov, kólik júrgizýshi Qaırat Ibraev, Nur-Sultan qalasynyń № 51 mektep-gımnazııasynyń matematıka páni muǵalimi Órik Ibraeva jáne «ArselorMıttal Temirtaý» AQ Kostenko atyndaǵy shahta mashınısteriniń brıgadıri Amantaı Shontaev bar. Aıta keterligi, QRKF tóraǵasynyń Alǵys haty eden jýýshy Sholpan Turǵymbaevanyń ómirinde birinshi alǵan marapaty eken.

«Men 56 jastamyn. Bul jumysty habarlandyrý arqyly taptym. Meniń jasymda mundaı jumysty tabý da ońaı emes. Kásipodaqtyń meniń eńbegimdi baǵalaǵanyna rızamyn», - dep qýanyshymen bólisti Sholpan Turǵymbaeva.

Kásiptik odaqtar federatsııasynyń saltanatty is-sharasynda memlekettik jáne kásiptik odaqtar nagradalarymen elimizdiń ár óńirinen túrli salalardyń 24 qyzmetkeri marapattaldy.

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT