+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Kásipodaq «Arselor Mıttal Temirtaý» basshylyǵyn jalaqyny kóterýge kóndirdi

2021 jylǵy 30 maýsym 21:08
Bólisińiz:
Kásipodaq  «Arselor Mıttal Temirtaý» basshylyǵyn jalaqyny kóterýge kóndirdi

NUR-SULTAN. QazAqparat - QR Kásipodaqtar Federatsııasynyń «Jaqtaý», «Qorǵaý» múshelik uıymdary men elimizdegi eń iri taý-ken metallýrgııalyq kompanııa arasynda alty aptaǵa sozylǵan kelissózderdiń nátıjesinde «ArselorMıttal Temirtaý» AQ jumyskerleriniń jalaqysyn kóbeıtetin bolyp sheshildi.

Uqsas jańalyqtar

QR Kásipodaqtar federatsııasynyń medıa ortalyǵy taratqan málimetterge qaraǵanda, «ArselorMıttal Temirtaý» kompanııasynyń bas dırektory Naır Bıdjý «ArselorMıttal Temirtaý» AQ quramyna kiretin qurylymdyq bólimshelerdiń barlyq qyzmetkerleriniń jalaqysy osy jyldyń 1 shildesinen bastap ósetinin aıtty.

Ósim jartylaı 20000 teńge kóleminde qosymsha bekitilgen turaqty sıpattaǵy aı saıynǵy tólem túrinde jáne jartylaı jumyskerler jalaqysynyń 6 paıyzy mólsherinde bolady.

Kompanııa basshylyǵynyń pikirinshe, eńbekaqynyń ósimi kompanııanyń barlyq qyzmetkerlerine qatysty.

Kásipodaqtar men kásiporyn ákimshiligi Qazaqstan Respýblıkasy Táýelsizdiginiń 30 jyldyǵyna oraı 2021 jyldyń shildesiniń basynda kompanııanyń barlyq jumysshylaryna bir rettik 150 000 teńge tóleý túrinde qosymsha áleýmettik qoldaý týraly kelisimge keldi.

Jumyskerlerdiń ókilderi ıaǵnı metallýrgter jáne kómir óndirýshiler kásipodaqtarynyń kóshbasshylary Vıktor etının men Evgenıı Býslaev qol jetkizilgen kelisimderge oń baǵa berdi.

QR Kásipodaqtar federatsııasynyń medıa ortalyǵynyń habarlaýynsha, qabyldanǵan sheshimder áleýmettik áriptestik sheńberinde kelissózder ústelinde ymyraǵa kelýdiń jaqsy mysaly bolyp tabylady.

Vıktor etının «Eńbek Adamdarynyń áleýmettik-ekonomıkalyq jaǵdaıyn jaqsartý máselelerin kelissózder ústelinde sheshý tıimdirek. Birlesken pikirtalastar bir-birin jaqsyraq túsinýge jáne óndiris protsesine, laıyqty eńbek jaǵdaıy men laıyqty jalaqyny qalyptastyrýǵa oń áser etetin birlesken sheshimder qabyldaýǵa septigin tıgizedi», - deı kele, jumys berýshiler tarapyna rızashylyǵyn bildirdi.

Al Evgenıı Býslaev «Biz jumyskerlerdiń de, jumys berýshilerdiń múddelerine sáıkes keletin eń utymdy nusqany qabyldadyq. Meniń oıymsha, eńbek ujymy, adamı kapıtal kez-kelgen kompanııanyń eń basty baılyǵy ekenin bári túsinedi», - dep atap ótti.

Kásipodaqtar men «ArselorMıttal Temirtaý» ákimshiligi arasyndaǵy biryńǵaı ujymdyq kelisimshartta jumyskerler jalaqysyn jyl saıyn ındeksteý qarastyrylǵan. Tek osy jyldyń ózinde ol 7,5 paıyzdy qurady.

Esterińizge sala keteıik, kenshilerdiń jalaqysy 2017 jyly 30 paıyzǵa, metallýrgterdiki 18 paıyzǵa kóterildi, al 2019 jyly kompanııanyń barlyq sanattaǵy qyzmetkerleri úshin ósim 10,75 paıyzdy qurady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT