+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Kásipkerlikti qoldaý: ShQO-da 30 sharýa qojalyǵyna elektr jelisi tartyldy

2021 jylǵy 17 qyrkúıek 11:55
Bólisińiz:
Kásipkerlikti qoldaý: ShQO-da 30 sharýa qojalyǵyna elektr jelisi tartyldy

ÓSKEMEN. QazAqparat – Shyǵys Qazaqstan oblysynda «Bıznestiń jol kartasy» baǵdarlamasy aıasynda 17 ınfraqurylymdyq joba iske asyrylady, dep habarlaıdy QazAqparat tilshisi.

ShQO ákimi Danıal Ahmetov kásipkerlikti qoldaýdyń memlekettik baǵdarlamasy aıasynda ınjenerlik-ınfraqurylymdyq nysandardyń qurylysy jóninde keńes ótkizdi.

«Búginde bizdiń oblys bul baǵyt boıynsha kósh bastap tur. 2018 jyldan beri jalpy somasy 3,7 mıllıard teńgege 31 joba júzege asyrylǵan. Osylaısha, kólik joldary men temirjol túrli kásiporyndarǵa qaraı tartyldy. 2020 jyly alty jobany aıaqtadyq. Al qazirgi ýaqytta taǵy altaýy iske asyrylýda», - dedi aımaq basshysy.

Bıyl «Bıznestiń jol kartasy» baǵdarlamasynyń portfelinde 17 ınfraqurylymdyq joba tur. Onyń 10-y iske asyrylǵan.

«Abaı, Glýbokoe, Jarma, Zaısan, Tarbaǵataı jáne Úrjar aýdandarynda etpen aınalysatyn 30 sharýa qojalyǵyna elektr jelileri tartyldy. Óz orynbasarlaryma ınfraqurylymdyq jobalardy iske asyrý boıynsha birqatar tapsyrma júktedim. Atap aıtqanda, eger jobalyq-smetalyq qujattama áli jasalmasa jáne saraptamalardyń qorytyndylary daıyn bolmasa, onda mundaı obektilerge qarajat salýdyń máni joq. Kerisinshe belsendi qurylys júrgizip jatqan nemese kásiporyndy tapsyrýǵa daıyn kásipkerlerge kómektesý kerek», - dedi Danıal Ahmetov.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT