FÝTBOLDAN ÁLEM ChEMPIONATY-2022
  Jańalyqtar  >

Kásipkerlerdiń 7 myńǵa jýyq mámilesi sot qaraýynda jatyr – Atameken

2022 jylǵy 29 qyrkúıek, 12:02
Kásipkerlerdiń 7 myńǵa jýyq mámilesi sot qaraýynda jatyr – Atameken

ASTANA. QazAqparat – Salyq organdary kásipkerlerdi mámile jasaýshy ekinshi taraptyń ótelmegen salyǵyn tóletýge májbúrleýdi ádetke aınaldyrǵan. Bul týraly «Atameken» UKP basqarma tóraǵasynyń orynbasary Erbol Óstemirov málim etti, dep habarlaıdy QazAqparat tilshisi.

«Mundaı mámileler óte kóp. Qazir sotta osyndaı 7 myńǵa jýyq talap aryz bar», - dedi Erbol Óstemirov Bas prokýratýra kýlýarynda.

Aıtýynsha, mundaı jaıttar respýblıka boıynsha keń taraǵan.

«Mámileni jaramsyz dep taný máselesi shynymen ózekti bolyp tur. Bıyl biz 12 óńirdi aralaǵan kezde barlyq oblysta osy másele ózekti ekenine kóz jetkizdik. Másele mynada, mysaly, siz belgili bir kásipkerden taýar nemese qyzmet satyp aldyńyz deıik. Bir jarym jyldan keıin sizge salyq qyzmetkeri kelip, «sizdiń kontragentińiz salyq tólemegen, ornyna siz tóleısiz» dep habarlama beredi. Sonyń kesirinen jasalǵan mámile jaramsyz dep tanylady», - dedi Erbol Óstemirov.


Uqsas jańalyqtar
Seriktester jańalyqtary

Jańalyqtar