Kásipkerden aqsha talap etken qarýly qylmystyq top ustaldy
2022 jylǵy 28 maýsym 14:57

Kásipkerden aqsha talap etken qarýly qylmystyq top ustaldy

NUR-SULTAN. QazAqparat - Antıkor kásipkerden aqsha talap etken qylmystyq toptyń múshesin ustady, dep habarlaıdy QazAqparat.

«Sybaılas jemqorlyqqa qarsy qyzmet kásipkerden Memlekettik satyp alý týraly konkýrsta jeńimpaz dep tanyǵany úshin elorda kvazımemlekettik sektory sýbektileriniń biriniń basshylyǵyna para retinde qarjy talap etken krımınaldyq toptyń ókilin áshkereleý boıynsha arnaıy operatsııa júrgizdi. 25 maýsymynda atalǵan adam 15 mıllıon teńge alǵan kezde ustalyp, tergeý sotynyń sanktsııasymen qamaýǵa alyndy. Ustalǵandardan tirkelmegen jaýyngerlik atys qarýy – «TT» jáne «Smith&Wesson» markaly tapanshalary men olardyń patrondary, sondaı-aq qoldan jasalǵan jarylǵysh qurylǵynyń mýlıajy, kastet, pyshaqtar jáne sýyq qarýdyń basqa da túrleri tabylyp, tárkilendi», - delingen Antıkor habarlamasynda.

Olardyń kináli ekenin sot anyqtaıdy.


Seriktester jańalyqtary

Jańalyqtar

Úrdis

MURAǴAT