+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Kásipker jemqorlyqqa qarsy qyzmettiń aralasýymen 42 mln teńge demeýqarjyǵa qol jetkizdi - SQO

2021 jylǵy 22 qyrkúıek 14:05
Bólisińiz:
Kásipker jemqorlyqqa qarsy qyzmettiń aralasýymen 42 mln teńge demeýqarjyǵa qol jetkizdi - SQO

PETROPAVL. QazAqparat – Soltústik Qazaqstan oblysynda sybaılas jemqorlyqqa qarsy qyzmettiń aralasýynan keıin kásipker astyq qoımasyn úlkeıtý úshin 42 mln teńge demeýqarjyǵa qol jetkizdi, dep habarlaıdy QazAqparat tilshisi.

Uqsas jańalyqtar
Bilim mekemesi bir dápterdi 95 myń teńgege satyp almaqshy bolǵan - Aqmola oblysy Altaı Kólginov elordadaǵy bıznestiń jaǵdaıy týraly aıtty Almatyda kásipkerlik negizderine oqytatyn 109 oqý ortalyǵy jumys istep tur

QR Sybaılas jemqorlyqqa qarsy is-qımyl agenttiginiń SQO boıynsha departamentiniń basshysy Jarqyn Ǵalymovtyń aıtýynsha, sýbsıdııa berý salasynda sybaılas jemqorlyq táýekelderi kóp. Buǵan sońǵy taldaý barysynda taǵy bir ret kóz jetkizgen. Nátıjesinde 47 usynym ázirlendi.

«Usynymdardyń 20-sy normatıvtik qujattarǵa ózgeris engizýdi talap etedi, 13-i sýbsıdııa júıesin aqparattandyrýdy jetildirýge jáne 14-i uıymdastyrý sharalaryna qatysty. Ortalyq deńgeıde qorytyndy anyqtamany taldap, jınaqtaǵannan keıin, saralaýdyń nátıjesin jurtshylyqqa jetkizemiz. Aýyl sharýashylyǵy taýaryn óndirýshimen kezdesip, onyń máselesine qanyǵý úshin orasan aqparattyq-túsindirý jumysy júrgizildi. Ár aýdanaǵy kásipkerlermen onlaın kezdesýler uıymdastyryldy. Osyndaı kezdesýlerden keıin ákimshilik tosqaýyl saldarynan demeýqarjy ala almaı júrgen kásipkerdiń máselesi oń sheshildi», - deıdi Jarqyn Ǵalymov.

Vedomstvo basshysynyń aıtýynsha, oblystyq aýyl sharýashylyǵy jáne jer qatynastary basqarmasy «Ertegi» JShS astyq qoımasyn úlkeıtý úshin óz shyǵyndaryn sýbsıdııalaýdan bas tartqan. Basqarma kásipkerdiń qyzmettiń bul túrine lıtsenzııasy joqtyǵyn alǵa tartqan.

«Sybaılas jemqorlyqqa qarsy qyzmet pen Aýyl sharýashylyǵy mınıstrligi birlese jumys istep, sýbsıdııa beýr tártibin jasaýshydan tıisti túsindirme aldy. Astyq qoımasyn úlkeıtý úshin demeýqarjy alýǵa lıtsenzııanyń qajeti bolmaı shyqty. Nátıjesinde aýyl sharýashylyǵy taýaryn óndirýshi óz shyǵyndaryna 42 mln teńgeden astam demeýqarjy aldy. Osy jerde nege bul máselemen aýyl sharýashylyǵy basqarmasy aınalyspaǵan degen oryndy suraq týady. Ár kim óziniń qyzmettik mindetterine jaýapkershilikpen qarap, «Estıtin memleket» tujyrymyna saı jumys isteýi qajet», - deıdi Jarqyn Ǵalymov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT