+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Qashyqtan oqytý: Oqýshylar men ustazdar qajetti quraldarmen qamtamasyz etiledi

2020 jylǵy 27 naýryz 17:47
Bólisińiz:
Qashyqtan oqytý: Oqýshylar men ustazdar qajetti quraldarmen qamtamasyz etiledi

NUR-SULTAN. QazAqparat – Ýaqytsha qashyqtan oqytý kezinde mektep oqýshylary qajetti tehnıkamen qamtamasyz etiledi. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Biz qashyqtan oqytý júıesin ustanǵan kezde basqa damyǵan elderde de oryn alyp jatqan keıbir qıyndyqtar týyndaýy múmkin ekenin jaqsy túsinemiz. Bir otbasynda birneshe oqýshy oqyǵan jaǵdaıda bir kompıýter men bir smartfondy paıdalanýdyń yńǵaısyzdyǵy týyndaýy nemese qajetti tehnıkanyń múldem bolmaýy da múmkin. Keıbireýlerde ınternet baılanysy da joq. Prezıdent qashyqtan oqytýdy uıymdastyrý úshin barlyq qajetti sharalardy qabyldaýǵa tapsyrma berdi. Bul máseleler qazir erekshe baqylaýda. Ákimdiktermen birlese otyryp, mekteptegi kompıýterlerdi oqýshylar men muǵalimderge ýaqytsha paıdalanýǵa berý, tipti, qajet bolǵan jaǵdaıda, mektepterge qosymsha tehnıka (planshetter nemese kompıýterler) satyp alyp, olardy da ýaqytsha paıdalanýǵa berý máselelerin qarastyrýdamyz. Keıbir óńirler bul jumysty bastap ketti», - dep jazdy mınıstr áleýmettik jelidegi paraqshasynda.

Sonymen qatar ol shalǵaıdaǵy aýyldarda oqýshylardy oqytýǵa qatysty túsinik berdi.

«Epıdemıologııalyq ahýalǵa qaraı, shalǵaıdaǵy aýyldyq eldi mekenderde ornalasqan shaǵyn jınaqty mektepterde (80-ge jýyq bala oqıtyn) oqytýdy dástúrli formatta jalǵastyrý múmkindigin qarastyrýdamyz, taǵy bir márte atap aıtamyn – tek qarastyrýdamyz. Bul másele boıynsha túpkilikti sheshim áli qabyldanǵan joq, bul másele kanıkýl aıaqtalǵansha sheshiledi. Al ázirshe olar da qashyqtan oqytýǵa belsendi daıyndalýda», - dedi A. Aımaǵambetov.

Osy oraıda vedomstvo basshysy jańa rejimde jumys isteý pedagogter úshin de, balalar úshin de ońaı sharýa emes ekenin, biraz kúsh-qýatty talap etetinin jetkizdi.

«Bul – otandyq bilim berý júıesi úshin úlken syn ekeni ras. Biz bastapqy kezeńde oqýshylardyń ata-analary tarapynan da, pedagogter tarapynan da kóp syn aıtylatynyna daıynbyz jáne árqashan ashyq dıalogqa shaqyramyz. Ata-analar, pedagogter men oqýshylar arasyndaǵy pikirtalasty muqııat qadaǵalap otyramyz jáne qashyqtan oqytýdyń qol jetimdiligin arttyratyn tıimdi sharalardy qabyldaýǵa daıynbyz. Qandaı da bir problema týyndasa, Siz árqashan Bilim jáne ǵylym mınıstrligine habarlasa alasyz. Biz problemańyzdy sheshýge kómektesýge tyrysamyz. Bul rette ulaǵatty ustazdarymyzǵa alǵysymdy bildirgim keledi! Qıyn kezeńge qaramastan, kóptegen muǵalimder jaǵdaıǵa beıimdelip, óz mindetin laıyqty atqarýdy jalǵastyrýda. Elimiz mundaı kásibı deńgeıdegi mamandarymen maqtana alady. Men birlesken kúsh-jigerimizdiń arqasynda osy kezeńdi abyroımen eńsere alatynymyzǵa shyn júrekten senemin», - dedi Ashat Aımaǵambetov.

Budan buryn habarlanǵandaı, mınıstr ýaqytsha qashyqtan oqytý qalaı júrgiziletinin túsindirgen bolatyn.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT