Qashyqtan oqý formatyna qaramastan oqýshylardy oqýlyqtarmen qamtamasyz etemiz - mınıstr

NUR-SULTAN. QazAqparat - Qashyqtan oqıtynyna qaramastan ár oqýshynyń qaǵaz túrindegi oqýlyǵy bolýy kerek. Bul týraly Ortalyq kommýnıkatsııalar qyzmetinde ótken onlaın-brıfıngte QR Bilim jánem ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

Uqsas jańalyqtar

Qyzylordalyq oqýshy qala kóshesin jaryqtandyrýdyń tıimdi tásilin tapty

Qostanaı oblysynda 5-11 synyp oqýshylary qashyqtan bilim alady Almaty oblysynda qashyqtan oqyǵan 300 oqýshydan koronavırýs anyqtaldy Eýrazııa ulttyq ýnıversıtetiniń ókilderi tikeleı efırden 10 saǵat boıy stýdentterdiń saýaldaryna jaýap berdi

«Biz oqýlyq jetkizý jáne basyp shyǵarý boıynsha jumystar júrgizdik. Qashyqtan oqý formatyna qaramastan oqýshylardy oqýlyqpen qamtamasyz etemiz. Bul óte mańyzdy. Qashyqtan oqıtynyna qaramastan ár oqýshynyń qaǵaz túrindegi oqýlyǵy bolýy kerek», - deıdi Bilim jáne ǵylym mınıstri Ashat Aımaǵambetov.

Mınıstrdiń aıtýynsha, búgingi kúni jańa oqýlyqtardy aımaqtarǵa jóneltý jumystary bastaldy.

«Byltyr jyl sońynda shyǵarylǵan oqýlyqtardy da tamyz aıynan bastap óńirlerge jiberemiz. Adamdar kóp jınalyp qalmaıtyndaı etip uıymdastyramyz. Arnaıy keste qoıylyp, qajet jerde áriptesterimiz, volonterler kómektesetin bolady. Epıdemıologııalyq jaǵdaıǵa keri áser etpeıtindeı etip jumys isteımiz», - deıdi ol.