+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qashqarlyq keıýana 134 jasqa tolǵan týǵan kúnin toılady - Sheteldegi qazaq tildi BAQ-qa sholý

2020 jylǵy 5 shilde 12:40
Bólisińiz:
Qashqarlyq keıýana 134 jasqa tolǵan týǵan kúnin toılady - Sheteldegi qazaq tildi BAQ-qa sholý

NUR-SULTAN. QazAqparat – Ádettegideı, «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

Qashqarlyq keıýana 134 jasqa tolǵan týǵan kúnin toılady - Qytaıdyń «Ortalyq halyq radıosy» (CNR)

Qytaıdyń Qashqar aımaǵynda turatyn keıýana Alymqan Seıit 25-shi maýsymda 134 jasqa tolǵan týǵan kúnin atap ótti, dep jazady kazakcnr.com saıty.

Atalǵan aqparat kóziniń jazýynsha, Alymqan Seıit - Qytaıdyń Qashqar aımaǵy Jańashar aýdany Qumshilik aýylynda turady. Úsh ǵasyrdyń kýási bolǵan keıýana 1886 jyly 25-shi maýsymda týǵan. Bul kezeń Qytaıdy manchjýrlar áýleti bılegen Chın patshalyǵynyń zamanyna týra keledi. Al Alymqan Seıitti 2013 jyly Qytaıdyń qarttar uıymy eń uzaq jasaǵan adam dep tanyǵan. «Alymqan Seıit 1903 jyly 17 jasynda Turdy Rozyǵa turmysqa shyqqan. Biraq bala súıe almaǵan erli-zaıyptylar bir ul, bir qyz asyrap alady. Uly 36 jasynda aýyryp qaıtys bolyp, kóp uzamaı kúıeýi Turdy da máńgilik saparǵa attanady. Búgingi kúni Alymqannyń sol jalǵyz qyzy Tájigúlden taraǵan 40-qa jýyq urpaǵy bar eken. Jergilikti bılik qarttyń bıylǵy 134 jasqa tolǵan týǵan kúnin quttyqtap, «Mahabbat máńgi ertegi» taqyrybyndaǵy is-sharamen atap ótken. Óıtkeni ózin kóńildi ustaıtyn keıýana ǵashyqtyq jyrlaryn aıtyp, jurtty kúlkige keneltip, ortasyn dýmanǵa bólep júretin bolǵan. Keıýanany qazirgi kúni ózdiginen júrip-turýy qıyndaǵandyqtan nemeresi men kelini baǵyp, kútip otyr. Degenmen dárgerlerdiń aıtýynsha, qarttyń densaýlyǵy áli de tyń, kózi ótkir, eske saqtaýy, estý qabileti, tamaqqa tábeti jaqsy. Ol uıǵyr tilinen bólek, qytaı tilinde jetik meńgergen», - dep jazady CNR.


Aqparat kóziniń dereginshe, keıýananyń júrip-turýy qıyndaǵan sońǵy jyldarǵa deıingi kúndelikti tirshilik daǵdysy qarapaıym bolǵan. Tańǵy saǵat 5-6-da turyp namazyn oqyp, 8-de tańǵy asyn ishken. Keshki saǵat10-da uıyqtap demalǵan. Shaı ishkendi unatpaıdy, onyń ornyna salqyn sý ishken. Nan, qoıan etin jep, kespe, qyryqqabat sorpasyn ishýdi jaqsy kórgen. Tirshiliginde eginshilikti kásip etken keıýana qaýyn, shabdaly jáne qara órik sııaqty jemisterdi jegendi unatqan. Al eń súıikti jemisi - kishkentaı, qyshqyl jasyl órik bolǵan.



Ózbekstan Dúnıejúzilik saýda uıymyna kirýi jónindegi kelissózderdi bastaıdy - «ÓzA» aqparattyq agenttigi


Ózbekstan Dúnıejúzilik saýda uıymyna qosylý jóninde alǵashqy qadamdaryn jasap úlgerdi. Osy oraıda Ózbekstannyń uıymǵa múshe bolýyna birneshe halyqaralyq uıymdar qoldaý kórsetýge daıyn ekenin jetkizgen, dep jazady Ózbekstannyń «ÓzA» memlekettik aqparattyq agenttigi.

«DSU-ǵa qosylý jónindegi kelissózderdi Ózbekstan 2020 jyldyń 7 shildesinde birlesken jumys tobynyń otyrysynda bastaıdy. Pandemııaǵa baılanysty kezdesýler beınebaılanys túrinde ótedi, dep habarlady Investıtsııalar jáne syrtqy saýda mınıstrliginiń baspasóz qyzmeti. Mınıstrlik habarynda «Ózbekstannyń DSU-ǵa kirý protsesi mańyzdy mindet bolyp tabylady jáne eldiń áleýmettik-ekonomıkalyq damýyna baılanysty kóptegen máselelerdi jedel sheshýdi talap etedi» delingen.

Buǵan deıin Ózbekstan DSU-na múshe bolsa, Eýropalyq Odaq arnaıy 5 mln dollarlyq grant berýge kelisim bergen jáne GSP+ baǵdarlamasy aıasynda 6 myńnan astam taýardy baj salyǵynsyz ımporttaýǵa kómektesedi. Al Eýropalyq Odaqtan bólingen 5 mln dollar qarjy Aral teńizi aımaǵyndaǵy jobalardy iske asyrýǵa jumyldyrylatyny belgilengen», - dep jazady «ÓzA» aqparattyq agenttigi.


Mońǵolııanyń 2021 jylǵy prezıdent saılaýyna ókilderin qosatyn partııalar belgili boldy - KAZNEWS


Kelesi jyly Mońǵolııa prezıdentiniń kezekti saılaýy ótedi. Konstıtýtsııa boıynsha parlamenttegi partııalar prezıdent saılaýyna óz úmitkerlerin usyna alady, dep habarlaıdy Mońǵolııada tirkelgen KAZNEWS aqparattyq portaly.

«Konstıtýtsııanyń 31.2–babynda «Memlekettik Uly Hýralda oryn alǵan partııa jeke nemese birlesken túrde Prezıdentke bir adamdy usynady» -delingen. Sondyqtan Mońǵolııa Parlamentiniń 2020 jylǵy kezekti saılaýynda oryn alǵan Mońǵol halyq partııasy, Demokratııalyq partııasy, Mońǵol halyq revolıýtsııashyl partııasy, HÚN partııasy úmitkerlerin usynýǵa quqyly. Konstıtýtsııaǵa engizilgen ózgerister boıynsha «Prezıdentke 50 jasqa tolǵan, el aýmaǵynda keminde 5 jyl turǵan, Mońǵolııa azamatyn alty jyl merzimge bir ret qana saılaıdy», - dep jazady KAZNEWS portaly.


Túrkııanyń avtomobıl ónerkásibi rekordtyq eksport jasady - TRT


Túrkııanyń avtomobıl ónerkásibi ótken aıda 2 mıllıard 16 mıllıon dollarmen eń kóp eksport jasaǵan kásiporyn boldy, dep jazady Túrkııa Radıo Televızııa portaly.

«Túrkııa Eksportshylar uıymynyń sandy málimetine qaraǵanda avtomobıl ónerkásibinen keıingi oryndy 1 mıllıard 425 mıllıon 451 myń dollarmen hımııalyq materıaldar men ónimderi ıelendi. Úshinshi kezekti 1 mıllıard 357 mıllıon 642 myń dollarlyq eksportpen daıyn kıim jáne konfektsııa ónimderi aldy. Maýsym aıynda eń kóp eksportty arttyrǵan sala 69,3 paıyzben jańǵaq jáne jańǵaq ónimderi boldy. Túrkııanyń jalpy eksportynyń 76 paıyzyn oryndaǵan ónerkásip toby 15,2 paıyzdyq artýmen 10 mıllıard 238 mıllıon 725 myń dollarlyq eksport jasady. Eksport eń kóp jasalǵan alǵashqy úsh el qatarymen bir mıllıard 293 mıllıon dollarmen Germanııa, bir mıllıard 13 mıllıon dollarmen Ulybrıtanııa jáne úshinshi orynda 792 mıllıon dollarmen AQSh boldy», - dep jazady TRT.


Reseı ýltradybystyq zymyrandarmen kúreske daıyndalyp jatyr - «Fars» aqparat agenttigi


Reseı Áýe-ǵarysh kúshteri qolbasshylarynyń biri S-500 júıeniń ýltradybystyq zymyrandardy anyqtap, olardy joıyp jiberý múmkindikke ıe ekenderin málimdedi, dep jazady «Fars» aqparat agenttigi.

«Reseı Áýe-ǵarysh kúshteri qolbasshysy Sergeı Sýrovıkın: «S-500 júıe aerodınamıkalyq jáne ballıstıkalyq nysandardan basqa, kez kelgen túrdegi ýltradybystyq qarýdy ońaı anyqtap, joıyp jiberý qabiletine ıe. Qazirgi kezde álemde S-500 júıesine uqsas júıe joq. S-500 tehnıkalyq kórsetkishteri ony birinshi býyn ǵarysh-qorǵanys júıesine aınaldyrdy»,- dedi. S-500 – orta qashyqtyq jáne qurlyqaralyq ballıstıkalyq zymyrandarǵa qarsy turatyn alys qashyqtyq qorǵanys júıe. Reseı Qorǵanys mınıstrliginiń aıtýynsha, bul qorǵanys júıesi 2019 jyly áýe-qorǵanys kúshterimen synaqtan ótkizildi jáne boljamdar boıynsha 2021 jyly Reseı armııasyna tapsyrylady», - dep jazady Rarstoday.



Bizdiń kanalymyzǵa jazylyńyz:

#BAQ  
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT