Qashaǵanda gaz óńdeý zaýytyn salyp jatqan kompanııa memleket menshigine ótedi
2022 jylǵy 29 maýsym 08:35

Qashaǵanda gaz óńdeý zaýytyn salyp jatqan kompanııa memleket menshigine ótedi

NUR-SULTAN. QazAqparat - Qashaǵanda gaz óńdeý zaýytyn salyp jatqan kompanııa memleket menshigine ótedi, dep habarlaıdy QazAqparat úkimettiń resmı saıtyna silteme jasap.

«GPC Investment» JShS kompanııasy respýblıkalyq menshikke beriledi. QR Úkimeti tıisti qaýly qabyldady.

«GPC Investment» JShS jarǵylyq kapıtalyna qatysý úlesteriniń 100 paıyzyn syıǵa tartý sharty boıynsha respýblıkalyq menshikke berý týraly «Tau Bereke Group» JShS-nyń usynysy qabyldansyn», — delingen qaýly mátininde.

Aıta ketý kerek, «GPC Investment» kompanııasy – «Qashaǵan ken orny shıkizatynyń bazasynda qýaty 1,15 mlrd m3 gaz óńdeý zaýytyn salý» jobasynyń operatory.

Jeke ınvestordyń jobany iske asyrýdy jalǵastyrýdan bas tartýyna baılanysty «GPC Investment» kompanııasy «QazaqGaz» UK» AQ balansyna beriledi.

Óz kezeginde, bul ishki naryqty baǵasy qoljetimdi taýarlyq jáne suıytylǵan gazben qamtamasyz etýdi arttyrýǵa, sondaı-aq zaýyt qurylysynyń jobasyn ýaqytyly júzege asyrýǵa múmkindik beredi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT