+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qarjy pıramıdasyn qalaı áshkereleýge bolady

2021 jylǵy 26 qyrkúıek 18:14
Bólisińiz:
Qarjy pıramıdasyn qalaı áshkereleýge bolady

NUR-SULTAN. QazAqparat - Іshki ister mınıstrliginiń málimeti boıynsha bıyl qarjy pıramıdasyna qatysty 330 qylmystyq is tergelip, onyń jartysynan astamy sotqa jiberilgen. Alaıaqtardan 19 myńnan astam qazaqstandyq zardap shekken. QazAqparat Fingramota.kz saıtyna silteme jasaı otyryp qarjy pıramıdasyn anyqtaýdyń negizgi 10 belgisin jarııalaıdy.

Uqsas jańalyqtar
Bes jylda qarjy pıramıdalarynyń ústinen 600-den astam qylmystyq is qozǵalǵan Bas prokýratýranyń kúdiginen keıin 13 qarjy pıramıdasynyń ústinen tergeý bastaldy Qarjy pıramıdasyn jarnamalaıtyn 52 silteme buǵattaldy – Bas prokýror

1. Ákelgen klıentter úshin syıaqy

Eger sizge kompanııaǵa ákelgen árbir klıent úshin qosymsha aqy tóleýge ýáde berilse, bul aqshany salmaý úshin jáne barlyq tanystardy osyndaı táýekeldi is-sharadan bas tartqyzý úshin jetkilikti negiz bolyp tabylady.

2. Naryqtyq deńgeıden birneshe ret asyp túsetin joǵary kiristilikke kepildik berý

Túrli «ınvestkompanııalar» kiristilikke kepildik bere almaıdy, buǵan zańnamalyq turǵydan tyıym salynǵan. Eger bireý kepildik berse, ol - alaıaq degen sóz. Basqasha bolmaıdy!

3. Qajetti lıtsenzııalardyń bolmaýy

Kompanııa aqshalaı salymdardy halyqtan tartady nemese qor naryqtaryna ınvestıtsııalaýdy usynady, biraq onyń qolynda lıtsenzııasy joq, bul rette onymen baılanysý kereginiń bar-joǵy jóninde myqtap oılanyńyz. Mundaı uıymdar QR Qarjy naryǵyn retteý jáne damytý agenttiginiń baqylaýynda emes, ıaǵnı sizdiń quqyqtaryńyz ben múddelerińizdi eshkim qorǵaı almaıdy.

4. Kirý jarnasynyń bolýy: resimdeýge, oqytýǵa, aktsııalar jáne t.b. úshin

Ádette, bul jarna pıramıdany uıymdastyrýshylardyń negizgi kirisi bolyp tabylady, sondaı-aq qarjy pıramıdasyna tán aıqyn belgi.

5. Menshikti negizgi quraldardyń, basqa da qymbat aktıvterdiń bolmaýy

Kompanııanyń qolda bar múlki men aktıvterin nátıje oıdaǵydaı bolyp shyqpaǵan jaǵdaıda satýǵa jáne salynǵan aqshany ishinara qaıtarýǵa bolady. Al qarjy pıramıdalarynda mundaı aktıvter bolmaıdy.

6. Óktem jarnama naýqany

Qarjy pıramıdasy jarnamasy kóptegen klıentterdi tez tartýǵa arnalǵan jáne tek jarııalanýy pıramıdalardyń negizin qalaýshylar úshin paıdaly bolatyn aqparatty qamtıdy. Árıne, mundaı kompanııanyń klıenti kezdestirýi múmkin táýekelderdi jarnama berýshiler belgili sebeptermen aıtpaýǵa tyrysady.

7. Uıym qyzmetiniń naqty anyqtamasynyń bolmaýy

Pıramıdalarda salymshylardyń ózdiginen basqa klıentteri joq. Sizge ónim berýshilerdi, mysaly, basqa bıznes-seriktesterdi eshqashan kórsetpeıdi.

Jalpy kompanııaǵa aqsha salmas buryn, ol týraly múmkindiginshe kóp aqparat alyńyz. Pikirlerdi zertteńiz, biraq bul máselege muqııat qarańyz, óıtkeni olardy múddeli adamdar qaldyrýy múmkin. Barlyq qujattardy oqyńyz. Kompanııa naqty nemen aınalysatynyn jáne aqshańyzdyń qaıda salynatynyn surap bilińiz. Muny qalaı rastaýǵa bolatyndyǵyn surańyz. Bul aqparatty ózińiz tekserińiz. Osyǵan uqsas qyzmetterdi usynatyn basqa uıymdarmen talaptaryn salystyryńyz. Eger sizdiń qarajatyńyzdy ornalastyrýdyń neǵurlym paıdaly sharttary bolsa, olardyń kompanııalarynyń paıdasy osy salada jumys isteıtin uqsas qurylymdarǵa qaraǵanda neniń esebinen birneshe ese joǵary ekenin kompanııa qyzmetkerinen surańyz jáne suraqtaryńyzǵa naqty jaýaptar alyńyz. Eger kompanııa kez-kelgen syltaýmen aqparat berý, tipti qujattarmen tanysý múmkindiginen bas tartsa, ınvestıtsııalanǵan aqshany alý odan da qıyn bolatyny aıdan anyq.

8. Tólemder tek qolma-qol aqshamen qabyldanady

Eger kompanııa osylaı jasasa, onda bul uıymǵa senbeýge barlyq negiz bar, óıtkeni ol aqsha qozǵalysynyń baqylanýynan barynsha qashady.

9.Tek jeke kezdesý kezinde keńes berý

Jeke kezdesýde klıenttiń senimine kirip, ony aqsha salýǵa sendirý úshin ártúrli psıhologııalyq ádister men amaldardy qoldaný ońaıyraq.

10. «Shartqa» oılanbaı qol qoıýdy usynady

Asyǵys sheshim qabyldamańyz! Sharttyń úlgisin qolǵa berýdi surap, onymen úıde asyqpaı tanysyp shyǵyńyz. Eger onyń jekelegen erejeleri qıyndyq týdyrsa, mamanmen keńesýge tyrysyńyz. Berilgen aqshanyń ornyna Sizde qandaı qujat qalatynyn qarańyz. Onyń zańdy kúshi bar ma?

Kez kelgen qarjylyq qujatty, ásirese shartty muqııat oqýdy ádetke aınaldyryńyz. Túsinbesten eshteńege qol qoımańyz. Sodan keıin sizdiń aqshany qaıyrymdylyq nemese kirý jarnasy retinde salǵanyńyz, sonyń arqasynda kúmándi klýbqa múshelikke ıe bolǵanyńyz anyqtalýy múmkin. Eger Sizge shart nemese onyń jekelegen erejeleri unamasa, oǵan qol qoımańyz.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT