+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Qarjy mınıstrligi MAOKAM memlekettik baǵaly qaǵazdaryn ornalastyrýdy taǵy 10 kúnge uzartýdy usynyp otyr

2009 jylǵy 3 qarasha 13:55
Bólisińiz:

ASTANA. Qarashanyń 3-i. QazAqparat /Rýslan Ǵabbasov/ - Qarjy mınıstrligi Úkimetke MAOKAM memlekettik baǵaly qaǵazdaryn ornalastyrýdy taǵy 10 kúnge uzartyp, olardyń stavkalaryn joǵarylatýdy usynyp otyr. Bundaı pikirdi búgin Úkimet otyrysynda atalǵan vedomstvonyń basshysy Bolat Jámishev málim etti,

dep habarlaıdy QazAqparat.

«Búgin MAOKAM-dy ornalastyrýdyń sońǵy 10-shy kúni. Keshe barlyǵy 785 mıllıon teńge ornalastyryldy. Qarjy eki jyldyq merzim boıynsha 6,5 paıyz stavkasymen, al úsh jyldyq boıynsha jyldyq 6,7 paıyzben ornalastyryldy. Biz MAOKAM baǵaly qaǵazdaryn ornalastyrýdy taǵy 10 kúnge uzartyp, onyń stavkasyn joǵarylatýdy usynamyz. Atap aıtqanda eki jyldyq merzim boıynsha 7,3 paıyzǵa, al úsh jyldyqty 7,5 paıyzǵa deıin», - dedi mınıstr. «Biz bastapqyda bankterdiń depozıttik bazasyn qozǵamaý úshin óte konservatıvti jyljydyq. Alaıda qazirdiń ózinde bul máseleniń oryn almaıtyny aıqyndalyp otyr. Sondyqtan biz bul qundy qaǵazdarǵa qyzyǵýshylyqty arttyrǵymyz keledi», - dedi B. Jámishev.

Óz kezeginde Úkimet basshysy Kárim Másimov atalǵan usynysqa qoldaý bolatynyn aıtyp ótti. «Oń jáne teris jaqtaryn zerdelep, tolyqtyratyn tustaryn anyqtap alamyz. Sodan keıin ary qaraı jyljımyz», - dedi Premer-Mınıstr.

Esterińizge sala keteıik, QR Qarjy mınıstrligi 15 mlrd. teńge kóleminde MAOKAM atty memlekettik baǵaly qaǵazdardy shyǵarýdy josparlap otyrǵandyǵyn jarııalaǵan edi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER

MURAǴAT