+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Qarjy mınıstrligi elge azyq-túlik kirgizý rásimin barynsha jeńildetti

2020 jylǵy 30 naýryz 21:48
Bólisińiz:
Qarjy mınıstrligi elge azyq-túlik kirgizý rásimin barynsha jeńildetti

NUR-SULTAN. QazAqparat - QR Qarjy mınıstrligi elge azyq-túlik kirgizý sharalaryn barynsha jeńildetti, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.

«Elimizge ımporttalatyn azyq-túlikterdi jetkizý úshin «jasyl dáliz« jumys isteýde. Kedendik kedergiler joıylyp, tekserister men taýarlardyń qunyn baqylaý rásimderi alynyp tastaldy.

Sondaı-aq, 2020 jyldyń 22 naýryzynan bastap QR Úkimetimen jekelegen taýarlardy (qaraqumyq, un, qant, kartop, sábiz, shomyr, qyzylsha, pııaz, oramjapyraq, kúnbaǵys dáni, kúnbaǵys maıy) Qazaqstannan shyǵarýǵa tyıym salyndy. QR QM Memlekettik kirister komıteti bul taýarlarǵa eksporttyq kedendik baqylaýdy kúsheıtip, «ASTANA-1« elektrondy deklaratsııalaýdyń aqparattyq júıesinde olardy eksporttaýǵa tyıym saldy (Bul tyıym EAEO elderine taratylmaıdy)», delingen habarlamada.

QR Qarjy mınıstrligi, QR UQK Shekara qyzmeti jáne QR Densaýlyq saqtaý mınıstrliginiń birlesken sheshimi boıynsha ádettegi júıe boıynsha jumys isteıtin júk ótkizý beketteri belgilendi (qalǵan beketterdiń jumysy tótenshe jaǵdaıǵa baılanysty 2020 jyldyń 16 naýryzynan bastap ýaqytsha toqtatyldy).

Osylaısha, Qytaı Halyq Respýblıkasy men Qazaqstan arasynda «Nurly jol» jáne «Dostyq» ótkizý beketteri (avtokólikter úshin) jumys isteýde.

Ózbekstan men Qazaqstan arasynda: «Qazyǵurt», «Qaplanbek», «№B.Qonysbaev», «Atameken», «Tájen» beketteri.

Túrkimenstan men Qazaqstan arasynda: «Temir baba» beketi.

Reseı Federatsııasy men Qazaqstan arasynda «Qaıraq», «Jańa jol», «Qaraqoǵa», «Sharbaqty», «Úrlitóbe», «Qosaq», «Aýyl», «Úbi», «Jaısań», «Álimbet», «Syrym», «Qurmanǵazy», «Tasqala», «Jánibek» beketteri jumys isteýde.

Barlyq halyqaralyq shekara beketterindegi ótkizý pýnktterinde sanıtarly-karantındik baqylaý kúsheıtilgen. Atap aıtqanda: sanıtarlyq-epıdemıologııalyq qyzmet jumysshylary jumyldyrylǵan, ótkizý beketteri jylý sezgish quraldar jáne pırometrlermen jaraqtandyrylǵan, naýqas adamdar anyqtalǵan jaǵdaıda, olardy ýaqytsha oqshaýlaýǵa arnalǵan em-sharalyq bólmeler qarastyrylǵan.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT