Qarýly Kúshterde 23 myńnan astam adam COVID-19 qarsy qaıta vaktsına saldyrdy –QR QM
2022 jylǵy 15 qańtar 16:34

Qarýly Kúshterde 23 myńnan astam adam COVID-19 qarsy qaıta vaktsına saldyrdy –QR QM

NUR-SULTAN. QazAqparat - Memleket basshysynyń halyqqa revaktsınatsııa naýqanyn júrgizý jónindegi tapsyrmasy aıasynda Qazaqstannyń Qarýly Kúshterinde jeke quramdy COVID-19-ǵa qarsy qaıta vaktsınatsııalaý jalǵasýda. Búgingi tańda bul protsedýradan 23 myńnan astam áskerı jáne azamattyq personal ótti, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

2022 jylǵy 11 qańtarda Parlament Májilisiniń otyrysynda Qazaqstan Prezıdenti Qasym-Jomart Toqaev elimizde koronavırýs syrqatynyń kúrt óskenin atap ótken bolatyn.

– Memleket basshysy koronavırýspen kúresti jalǵastyrýdy tapsyrdy. Sonymen qatar bul mańyzdy mindetterdiń biri. Jeke quram kúndelikti qyzmette. Bizge áskerı qyzmetshilerd densaýlyǵynyń qaýipsizdigin qamtamasyz etý mańyzdy, – dep atap ótti Qorǵanys mınıstriniń orynbasary general-maıor Muhamedjan Talasov.

Áskerı dárigerlerdiń aıtýynsha, vaktsınatsııa kýrsynan ótý jáne ýaqtyly ótken revaktsınatsııa – ınfektsııadan ózińdi qorǵaýdyń senimdi tásili. Qorǵanys mınıstrliginiń áskerı emhanalary men tirkelgen jerindegi azamattyq emdeý mekemelerinde, sondaı-aq áskerı jáne azamattyq emdeý mekemeleriniń kóshpeli egý brıgadalarynyń kúshterimen COVID-19 revaktsınatsııasy uıymdastyryldy.

Tótenshe jaǵdaı rejımin qamtamasyz etýge jumyldyrylǵan áskerı qyzmetshiler ornalasqan jerde medıtsınalyq qamtamasyz etý uıymdastyryldy. Áskerı dárigerler jeke quramnyń densaýlyq jaǵdaıyn qadaǵalaýda.


Jańalyqtar

MURAǴAT