Qarqaralydaǵy dala órtin sóndirýge áskerı bólim qyzmetkerleri jiberildi
2022 jylǵy 30 maýsym 10:00

Qarqaralydaǵy dala órtin sóndirýge áskerı bólim qyzmetkerleri jiberildi

NUR-SULTAN. QazAqparat - QR Tótenshe jaǵdaılar mınıstrliginiń №52859 áskerı bóliminiń kúshteri Qarqaraly aýdanynda tabıǵı órtti joıýǵa tartyldy, dep habarlaıdy QazAqparat.

Tabıǵı órtti joıý úshin Qarqaraly aýdanyna TJM №52859 áskerı bóliminiń 100 áskerı qyzmetkeri jiberildi.

Kúshti jelge baılanysty 29 maýsym kúni Egindibulaq aýyly mańyndaǵy Kýrskıı orman sharýashylyǵy aýmaǵynda jáne memlekettik ulttyq tabıǵı parkiniń aýmaǵynda oshaqtardyń qaıta janýy jáne byqsýy oryn aldy.

Orman sharýashylyǵy, ulttyq tabıǵı park, órtke qarsy erikti quramalar, Qaraǵandy oblysynyń TJD, №52859 áskerı bólimi kúshteriniń jalpy kúsh-jigeriniń arqasynda jaǵdaı turaqtaldy.

Janý jáne byqsý oshaqtarynyń oryndarynda óshirý, qaraýyldaý jáne patrýldeý jumystary jalǵasýda.

Barlyǵy 220 adam men 25 tehnıka jumyldyryldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT