+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qarqaralyda kópbalaly analar óz bıznesin damytýǵa grant aldy

2019 jylǵy 23 qazan 00:49
Bólisińiz:
Qarqaralyda kópbalaly analar óz bıznesin damytýǵa grant aldy

QARQARALY. QazAqparat - Qaraǵandy oblysynda kóp balaly analar memleket qoldaýymen óz bıznesin quryp, damytýda. Mysaly, tek bir Qarqaraly aýdanynda sońǵy aılarda 8 kásipker grant aldy, dep habarlaıdy QazAqparat óńir basshysynyń resmı saıtyna silteme jasap.

Uqsas jańalyqtar
Jetisaılyq kópbalaly ana memlekettiń qoldaýymen kásibin dóńgeletip otyr Almatyda 800-den astam jas startapshy óz jobalaryn usyndy «Bıznestiń jol kartasy – 2025» baǵdarlamasyn iske asyrýǵa 421 mlrd teńge baǵyttalady

Memlekettik qoldaýdyń arqasynda Merýert Syzdyqova óz bıznesin keńeıte aldy. Granttyń arqasynda ol 500 myń teńgege qajetti qural-jabdyqtar satyp alǵan. Aldaǵy ýaqytta aspazdyq býfet ashýdy josparlap otyr.

- Meniń 4 balam bar. Aldymen torttar men bálishterdi otbasyma jáne qonaqtarǵa pisirdim. Biraq kóp uzamaı tapsyrystar túse bastady. Sol kezde men óz bıznesimdi ashýdy sheshtim. Búgingi kúni bizde barlyq aýdan boıynsha úlken assortıment pen klıenttik baza quryldy. Osylaısha biz ataýly áleýmettik kómekten bas tarttyq. Járdemaqynyń ornyna óndirisimizdi keńeıtý úshin grant alýdy sheshtik. Bolashaqta býfet ashýdy josparlap otyrmyz. Bul balalarymyzdy bolashaqta ózimiz qamtamasyz etýge múmkindik beredi, - deıdi Merýert Syzdyqova. Granttyń taǵy bir ıegeri Ásem Mamejanova keste tigýmen aınalysady. Alynǵan qarajatqa ol keste mashınasyn satyp aldy. - Men 40 jastamyn jáne bes balam bar. Kestemen burynnan aınalysamyn, biraq arnaıy mashınam bolmady, bárin qolmen jasaýǵa týra keldi. Bul kóp ýaqyt alady. Endi jumysym áldeqaıda ońaı bolady. Grantqa keste tigetin mashına satyp aldym. Jaqynda tapsyrys boıynsha jármeńke úshin aljapqysh tiktim. Tapsyrys barlyq aýdannan kelip túsedi. Balalarym maǵan kómektesýde, - deıdi kóp balaly ana Ásem Mamejanova. Jyl basynan beri Qarqaraly aýdanynda osyndaı qarjylaı kómekti 110 kásipker aldy, onyń 8-i kóp balaly otbasylar. - Bıylǵy jyldan bastap isin jańa bastaǵan kásipkerler úshin óz isin jáne bıznes-ıdeıalardy damytýǵa granttar qarastyrylǵan. Joba «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasy aıasynda júzege asyrylýda. Bizdiń aýdanymyz boıynsha osy jyly 110 kásipker 54 mln 287 myń teńgege qarjylyq kómek aldy. Olardyń 8-i kóp balaly otbasylar, 5-i jumyssyzdar, 5-i az qamtylǵandar, 5-i múmkindigi shekteýli adamdar jáne 87 jas kásipkerler. Bul jumys aldaǵy ýaqytta da jalǵasyn tabady, - dedi Qarqaraly aýdanynyń jumyspen qamtý ortalyǵynyń dırektory Qanat Babaıbekov. Onyń aıtýynsha, grant alǵan kásipkerlerdiń kópshiligi qarajattaryn mal sharýashylyǵyn damytýǵa jumsamaq. Qalǵandary qyzmet kórsetý, tamaqtaný, kıim tigý jáne t.b. salasynda qyzmet kórsetýdi kózdep otyr. Qazir aýdanda 439 otbasy ataýly kómek alýda. Olardyń 6-y járdemaqy alýdan bas tartyp, óz isin ashýǵa sheshim qabyldady. Osyǵan baılanysty granttarǵa qosymsha qarajat bólý múmkindigi qarastyrylýda.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT